عورت کے کندھے پر ہاتھ رکھنے کی کیا ضرورت تھی ۔۔ مشہور تکہ ہوٹل کے مالک کی غیر ملکی سیاحوں کے ساتھ نامناسب رویے پر صارفین برس پڑے

غیر ملکی سیاحوں کے ساتھ نازیبا حرکات کے قصے اکثر پڑوسی ملک بھارت میں سنے جاتے تھے مگر اب پاکستان میں بھی یہ سلسلہ شروع ہوگیا۔

سوشل میڈیا پر تصاویر اور ویڈیوز کے منظر عام پر آنے کے بعد نثار چرسی تکہ کے مالک کو پولیس نے غیر ملکی سیاح کے ساتھ نامناسب رویے کی وجہ سے گرفتار کیا۔

پشاور میں موجود معروف چرسی تکہ ہوٹل کے مالک نثارکے خلاف شہریوں کی جانب سے بھی پولیس کو شکایات موصول ہوئیں جس کو دیکھتے ہوئے پولیس کی جانب سے انہیں گرفتار کرلیا گیا۔

تصاویر میں نثار خان خواتین سیاحوں کے ساتھ بدتمیزی کرتے اور مبینہ طور پر انہیں بوسہ اور گلے لگا رہے تھے۔ متعدد شکایات کے بعد ان کے خلاف پاکستان پینل کوڈ کی متعلقہ دفعات کے تحت پشاور میں مقدمہ درج کیا گیا ہے۔ نثار خان کو اب غیر ملکی سیاحوں کے ساتھ "غیر مہذب سلوک" کے الزامات کا سامنا ہے جو ایک مقامی ہوٹل میں عارضی طور پر مقیم تھے۔

اس واقعے کی تفصیلات آنے کے بعد سوشل میڈیا صارفین خاصے غصہ دکھائی دیا اور پولیس سے مطالبہ کیا کہ وہ ہوٹل کے مالک کو سخت دے۔

پولیس کا کہنا تھا کہ پشاور میں معروف فوڈ اسٹریٹ نمک منڈی سیاحوں کی پسندیدہ جگہ ہے اور نثار خان کے ریسٹورنٹ پر ملکی اور غیر ملکی سیاح بڑی تعداد میں روایتی کھانے کے لیے آتے ہیں۔