پیٹ درد، مروڑ اور موشن سے چٹکیوں میں آرام ۔۔ جانیں یونانی حکیم کالی چائے میں لیموں کے ساتھ کیا ملانے کا مشورہ دیتے ہیں؟

اکثراینٹی بائیوٹک کے استعمال سے یا کچھ الٹا سیدھا کھانے یا پھر موسمی تبدیلی کی وجہ سے پیٹ خراب ہوجاتا ہے اور بار بار باتھ روم جانے کی نوبت آجاتی ہے۔ صرف یہی نہیں بلکہ لوز موشن کی وجہ سے جسم سے اچھا خاصا پانی بھی نکل جاتا ہے جس سے بہت زیادہ کمزوری اور تھکاوٹ محسوس ہوتی ہے۔

ایسے میں مزید دوائیاں کھانے کے بجائے گھریلو نسخے زیادہ موثر ہوتے ہیں کیونکہ ان کا کوئی نقصان نہیں ہوتا نہ ہی وہ پیٹ کو مزید گرم کرتے ہیں۔

اسی لیئے آج ہم آپ کو لوز موشن روکنے والی کالی چائے کا ایک زبردست نسخہ بتا رہے ہیں، جس کے استعمال سے ان شاء اللّٰہ آپ کو فائدہ ہوگا۔

کالی چائے بنانے کیلیئے درکار اجزاء:

۔ ایک کپ پانی

۔ ½ چمچ چائے کی پتی

۔ 1 چمچ لیموں کا رس

۔ 1 چمچ کچلا ہوا ادرک

۔ 1 چھوٹی ڈنڈی مولیٹھی کی

۔ 7 تلسی کے پتے

طریقہ کار:

۔ ایک برتن میں پانی ڈال کر یہ تمام چیزیں (سوائے لیموں کے رس کے) شامل کریں اور اچھے سے ابال لیں

۔ چائے ابل جائے تو چولہا بند کر کے اسے تھوڑی دیر ایسے ہی رہنے دیں، پھر چھان کے ایک کپ میں نکال لیں

۔ اس کے بعد اس میں لیموں کا رس شامل کر کے پی لیں

۔ اس نسخے کو دن میں دو بار استعمال کریں، اس سے نہ صرف موشن رک جائیں گے بلکہ پیٹ درد اور ہاضمے کے مسائل بھی ٹھیک ہونگے۔