پیٹ نکلا ہوا تھا، کپڑے تنگ ہوگئے تھے۔۔ ڈاکٹر نے موٹاپے سے پریشان اس شخص کا وزن صرف 3 ماہ میں 16 کلو کیسے کم کروادیا؟

“میرا پیٹ نکلا ہوا تھا۔ کپڑے جو تھے سب تنگ ہوگئے تھے۔ بہت پریشان تھا۔ پھر میں ڈاکٹر کے پاس گیا اور صرف 3 مہینوں میں ہی 16 کلو وزن کم کر لیا۔ اب وہ کپڑے جو پہلے نہیں آتے تھے بالکل ٹھیک آتے ہیں“

یہ کہنا ایک ایسے شخص کا ہے جنھوں نے وزن کم کرنے کے لئے ماہر غذائیت کی مدد لی۔ ان کی ماہر غذائیت کا نام مس عقیلہ مشتاق ہے جو کلینیکل نیوٹریشنسٹ ہیں۔ مرہم ٹی وی کے وی لاگ میں انٹرویو دیتے ہوئے ان کا کہنا تھا کہ پہلے وہ فجر کی نماز پڑھ کر سوجاتے تھے لیکن پھر انھوں نے اس وقت واک کرنا عادت بنائی اور اس کے بعد وہ ڈاکٹر کی بتائی ورزشیں بھی کرتے تھے جس کی وجہ سے ان کے نکلے ہوئے پیٹ کا مسئلہ حل ہوگیا۔

باہر کا کھانا کھاتا تھا

ان کا کہنا تھا کہ چونکہ وہ گھر سے دور ہاسٹل میں رہتے ہیں اس وجہ سے کھانا اکثر باہر کا کھاتے تھے جس کی وجہ سے وزن بہت زیادہ بڑھ گیا تھا۔ ماہر غذائیت نے ان کو ڈائیٹ چارٹ فالو کروائے جبکہ ان کی ماہر غذائیت کا کہنا تھا کہ انھیں صرف پیٹ نکلنے کا مسئلہ نہیں تھا بلکہ پورے جسم کا وزن زیادہ تھا اس لئے ڈائیٹ پلان اور ورزش پر عمل کرنا ضروری تھا۔

رنگ بھی صاف ہوگیا

وزن کم کرنے والے شخص کا کہنا تھا کہ خود کوشش کرنے کے بجائے ہمیں ہمیشہ طبی مدد لینی چاہیے کیوں کہ بہت سی چیزیں ہوتی ہیں جو ہم نہیں جانتے مگر ماہرین کو معلوم ہوتی ہیں اور وہ ہماری صحیح رہنمائی کرتے ہیں۔ میرا چہرے کا رنگ بھی سیاہ پڑ گیا تھا کیوں کہ میں پانی کم پیتا تھا۔ ماہر نیوٹرشنسٹ کے کہنے پر میں نے پانی کا استعمال بڑھایا جس سے میرا رنگ بھی صاف ہوگیا۔