سوشل میڈیا پر دلچسپ معلومات تو بہت ہیں، لیکن کچھ تصاویر ایسی ہوتی ہیں جو کہ سب کو جذباتی بھی کر جاتی ہیں اور توجہ بھی حاصل کر ہی لیتی ہیں۔
کرونا دور میں جب مریضوں کی تعداد حد سے تجاوز کر رہی تھی تو اسی دوران میڈیکل اسٹاف بشمول نرس، ڈاکٹرز، اور دیگر عملہ حفاظتی اقدامات تو بھرپور کر رہا تھا ساتھ ہی شہریوں کو کرونا سے بچاؤ کے لیے بھی بہترین حکمت عملی طے کی۔
لیکن اسی دوران چند ایسی تصاویر بھی ہوتی ہیں جو کہ سب کو جذباتی کر گئیں۔ ہاتھوں میں قرآن لیے میڈیکل اسٹاف اور مریض کے پیارے اُس کی صحتیابی کے لیے قرآن کی تلاوت کر رہے تھے۔
ایرانی ویب سائٹ پر ایک تصویر بھی اپلوڈ کی گئی تھی ساتھ ہی آرٹیکل بھی لکھا تھا، جس میں بتایا گیا تھا کہ ایرانی میڈیکل نرسز کرونا کی مشکل صورتحال میں مریضوں کے لیے رمضان میں قرآن پاک کی تلاوت کر رہی تھیں۔
اسی طرح کئی ایسی تصاویر سوشل میڈیا پر موجود ہیں، جن میں خواتین ممکنہ طور پر اسپتال عملہ یا پھر پیارے کے گھر والے خوب احتیاط کے ساتھ قرآن مجید کی تلاوت سُن رہے تھے۔
دلچسپ بات یہ بھی ہے کہ سوشل میڈیا پر لاہور کے سروسز اسپتال سے متعلق بھی ایک خبر کافی وائرل تھی جس میں بتایا گیا تھا کہ وینٹی لیٹر پر موجود مریضوں کا علاج سورہ رحمٰن سے ہونے لگا۔
اگرچہ مقامی طور پر نظریہ بھی کافی مقبول ہے کہ جادو ٹونے کا شکار مریض کو سورہ رحمٰن سنانے سے فائدہ ہو سکتا ہے۔ تاہم اس حوالے سے میڈیکل اور سائنس الگ رائے رکھتی ہے۔
تاہم موت کو قریب دیکھ کر جب اکثر گھر والے مریض کے پاس قرآن مجید کی تلاوت کرتے دکھائی دیتے ہیں یا پھر تلاوت کو موبائل فون میں لگا دیتے ہیں، تاکہ اس دنیا سے جانے والے مریض کے آخری لمحات سکون میں گزر جائیں۔
اگرچہ باقاعدہ طور پر اسپتالوں میں اس طرح نہیں کیا جاتا ہے، تاہم وینٹی لیٹر پر موجود مریض کی فیملی خود سے اپنے اطمینان کے لیے کرتی ہے۔