یہ ایشوریہ جیسی تو نہیں ہیں۔۔ پہلی ملاقات میں دانش نواز نے ندا یاسر کا مقابلہ بھارتی اداکارہ سے کیوں کیا تھا؟

پاکستانی مشہور سابق اداکارہ اور مقبول مارننگ شو کی میزبان ندا یاسر نے حال ہی میں ایک دلچسپ انکشاف کیا کہ انہیں پہلی بار دیکھنے پر ان کے دیور، معروف اداکار اور ہدایتکار دانش نواز نے کیا کہا تھا۔

ندا یاسر نے اپنے یوٹیوب چینل پر ایک نیا وی لاگ شیئر کیا ہے جس میں ان کے ساتھ ان کے شوہر یاسر نواز، دیور دانش نواز اور اداکار علی عباس بھی شامل ہیں۔

وی لاگ کو مداحوں نے بہت پسند کیا، اور اس کے کئی کلپس سوشل میڈیا پر وائرل ہو چکے ہیں۔

ندا یاسر نے اس وی لاگ میں بتایا کہ جب وہ پہلی بار دانش نواز سے ملیں تو دانش نے کہا تھا، "یہ تو ایشوریا رائے جیسی نہیں لگتی۔"

ندا یاسر نے مزید کہا کہ انہیں آج بھی یاد ہے جب یاسر نواز نے پہلی بار ان کا تعارف دانش نواز سے کروایا تھا۔ دانش اور ان کی بہن ان کے پیچھے چل رہے تھے اور دانش اپنی بہن سے کہہ رہے تھے، "یہ ایشوریا رائے جیسی تو نہیں لگ رہی۔"

اس پر دانش نواز نے مزاحیہ انداز میں کہا کہ وہ اب بھی اپنی اس بات پر قائم ہیں کہ ندا یاسر ایشوریا رائے جیسی نہیں لگتیں۔

ندا یاسر نے ہنستے ہوئے کہا کہ انہیں کبھی یہ خوش فہمی نہیں تھی کہ وہ ایشوریا رائے جیسی دکھتی ہیں، اور دانش نواز نے بھی ہمیشہ یہ یقین دلایا کہ ایسا نہیں ہے۔