ذرا سے لاہوری نمک سے وزن کیسے کم کریں؟ ڈاکٹر شائستہ نے موٹاپا ختم کرنے کا آسان طریقہ بتا دیا

"اگر آپ وزن تیزی سے کم کرنا چاہتے ہیں تو سفید نمک کو تین دن کے لیے اپنی غذا سے مکمل طور پر نکال دیں،" معروف مارننگ شو ہوسٹ اور اداکارہ شائستہ لودھی نے اپنی فٹنس کا راز فاش کرتے ہوئے کہا۔ ان کے مطابق، سفید نمک کی غیر ضروری مقدار جسم میں پانی کی زیادتی اور سوجن کا باعث بنتی ہے، جسے کنٹرول کرکے وزن میں فوری کمی ممکن ہے۔

شائستہ نے اپنی گفتگو میں مزید وضاحت کرتے ہوئے کہا، "نمک کا استعمال بالکل ختم نہیں کیا جا سکتا کیونکہ جسم کو اس کی ضرورت ہوتی ہے، لیکن یہ ضروری ہے کہ ہم صحیح قسم کے نمک کا انتخاب کریں۔ سفید نمک کے بجائے ہمالین پنک سالٹ یا لاہوری نمک کا استعمال کریں، مگر ایک مناسب مقدار میں۔"

انہوں نے مشورہ دیا کہ صرف تین دن کے لیے سفید نمک ترک کرنے سے تقریباً 1.5 کلوگرام وزن کم ہو سکتا ہے، اور اس سے جسم میں بلوٹنگ (سوجن) کا مسئلہ بھی حل ہو جاتا ہے۔ ان کا کہنا تھا کہ "زیادہ نمک کا استعمال نہ صرف جسم کو پھولا ہوا دکھاتا ہے بلکہ ذہنی صحت پر بھی منفی اثرات ڈال سکتا ہے، اس لیے احتیاط لازم ہے۔"

شائستہ نے صحت مند زندگی گزارنے کے لیے نمک کے معیاری اور محدود استعمال کی اہمیت پر زور دیا۔ "کم مقدار میں اچھے معیار کا نمک استعمال کریں اور سفید نمک کو ترجیحاً غذا سے دور رکھیں، یہ چھوٹی تبدیلی بڑی صحت مندی کی جانب پہلا قدم ہو سکتی ہے،" انہوں نے اپنے تجربے کی روشنی میں کہا۔