اس بھائی نے پیسے ضائع ہونے سے بچا دیئے! تربوز والے نے میٹھے اور پھیکے تربوز کی پہچان بتا دی، آپ بھی جان لیں

Laal Or Meethe Tarbooz Ki Pehchan

گرمیوں کی دوپہر ہو، سورج سر پر ہو، اور حلق پیاس سے سوکھا جا رہا ہو، ایسے میں اگر نظر ایک برف جیسی ٹھنڈی، سرخ و شفاف تربوز کی پلیٹ پر پڑ جائے تو۔۔۔ بس دل کہے، اب زندگی جینے کا مزہ آیا۔ مگر لمحہ بھر میں خواب چکنا چور بھی ہو سکتا ہے، اگر وہ تربوز صرف شکل کا شہزادہ ہو اور ذائقے کا زیرو۔

کیا آپ ہر بار تربوز خریدتے وقت قسمت کا سکہ اچھالتے ہیں؟ اگر ہاں، تو یہ راز خاص آپ کے لیے ہے جو خاص تربوز بیچنے والے بھائی نے اپنی ویڈیو میں بتائے ہیں۔ جنہیں سجمھ کر آپ بغیر چکھے میٹھے تربوز کا انتخاب کر سکتے ہیں۔

پہلا اشارہ: تربوز کی دھوپ کی کہانی

تربوز کی ایک سائیڈ پر اگر خوبصورت زردی مائل دھبہ ہو — جو لگے جیسے زمین پر لیٹ کر سورج سے گہری دوستی کر لی ہو — تو سمجھ لیں کہ یہ تربوز نہ صرف پکا ہوا ہے بلکہ مٹھاس سے لبریز بھی ہوگا۔ لیکن اگر وہی نشان ہلکا سبز یا بالکل سفید ہو، تو بھائی صاحب، وہ ابھی "پکنے کی ٹرین" پر ہی سوار ہے، منزل دور ہے۔

دوسرا اشارہ: وزن بتائے راز

جب تربوز کو ہاتھ میں اٹھائیں تو اندازہ لگائیں، کیا یہ اپنے سائز سے زیادہ بھاری لگ رہا ہے؟ اگر ہاں، تو آپ کے ہاتھ میں مٹھاس کا خزانہ ہے۔ پھیکے تربوز ہلکے ہوتے ہیں، جیسے وعدے تو کیے ہوں، مگر دل خالی ہو۔

تیسرا اشارہ: تربوز کی آواز

اب تربوز کو تھپکی دیں، جی ہاں، بالکل جیسے پرانے دوست کو کندھے پر ہلکا سا ہاتھ مارا جاتا ہے۔ اگر آواز ایسی ہو جیسے لکڑی کے ٹکڑے پر مارا ہو، تو وہ تربوز صرف دکھاوے کا شہزادہ ہے۔ لیکن اگر آواز بھاری، گونجیلی اور گہرائی لیے ہو، تو سمجھ لیں، یہ تربوز کھانے کو تیار ہے — رس بھرا، شیریں، دل فریب۔

یاد رکھنے والی باتیں:

اگلی بار جب بازار میں جائیں، اور تربوزوں کی قطار آپ کو آنکھیں دکھائے، تو بس تین باتیں یاد رکھیں؛

دھوپ کا نشان؟ جی ہاں، زردی والی سائیڈ دیکھیں۔

وزن؟ اپنے سائز سے بھاری لگے۔

آواز؟ تھپتھپانے پر گہری، موسیقی جیسی گونج ہو۔