بچپن سے شوق تھا کہ بڑی ہو کر طلاق یافتہ بنوں گی۔۔ طلاق کے بارے میں پوچھے گئے سوالوں پر کرن اشفاق غصے سے پھٹ پڑیں

جب بھی کسی جوڑے کی طلاق ہوتی ہے لوگ سچ جانے بغیر ہمیشہ عورت کو ہی مورد الزام ٹہراتے ہیں۔ جبکہ اکثر غلطی مرد یا عورت کسی کی بھی نہیں ہوتی لیکن دو لوگ ایک ساتھ نہیں رہ پاتے جس پر وہ علحیدگی اختیار کرلیتے ہیں۔ شوبز کی دنیا میں کرن اشفاق اور عمران اشرف کی طلاق نے جہاں مداحوں کے دل دکھائے وہیں ان دونوں نے ایک دوسرے کے بارے میں ہمیشہ مثبت رویہ رکھا البتہ حال ہی میں کرن نے انسٹاگرام پر “آسک می آ کوئسچن“ کے نام سے سیگمنٹ رکھا جہاں لوگوں نے زیادہ تر سوالات ان کی طلاق کے بارے میں ہی کیے اور بالآخر کرن اشفاق جواب دیتے دیتے پھٹ پڑیں۔

ایک صارف نے پوچھا کہ طلاق کے باوجود آپ ابھی بھی عمران اشرف کو فالو کررہی ہیں جس پر کرن نے جواب دیا کہ طلاق نامے پر یہ نہیں لکھا ہوا کہ تھا طلاق کے بعد ان فالو کرکے بلاک بھی کر دینا ہے۔ جبکہ ایک صارف کے سوال “کیا آپ طلاق لینا چاہتی تھیں“ کے جواب میں کرن نے انتہائی غصے سے جواب دیا کہ “جی میرا بچپن سے خواب تھا کہ میں بڑی ہوکر طلاق یافتہ بنوں، آپ کا دماغ ٹھیک ہے بہن؟‘

ایک سوال کے جواب میں کرن کا کہنا تھا کہ ’نکاح والی رات ان کے انسٹاگرام سے شادی سے پہلے کی تمام تصاویر ڈیلیٹ کر دی گئی تھیں۔‘ جبکہ ایک جواب میں انھوں نے بتایا کہ طلاق کے بعد آپ ہنسیں یا روئیں باتیں صرف عورت کو سننی پڑتی ہیں۔