کھانا کھلائے، میرے پاؤں دبائے اور ۔۔ سحر ہاشمی نے ہونے والے شوہر کے لیئے عجیب و غریب خواہشات کا اظہار کر دیا

Sahar Hashmi Ko Kesa Shohar Chahiye

شوبز اندسٹری کی نوجوان اداکارہ سحر ہاشمی نے حالیہ دنوں میں فوشیا میگزین کے یوٹیوب شو میں شرکت کی، جہاں انہوں نے اپنے ہونے والے شوہر کے بارے میں کچھ دلچسپ باتیں شیئر کیں۔ شو میں پوچھا گیا کہ آپ اپنے جیون ساتھی میں کون سی دو "پُوکی" اور دو "سِگما" خصوصیات چاہتی ہیں؟

اس پر سحر ہاشمی نے ہنستے ہوئے جواب دیا، سب سے پہلے تو میں یہ چاہتی ہوں کہ وہ مجھے کھانا کھلائے اور میرے پیر دبائے، اور ہاں، چائے بنانی آتی ہو، وہ بھی مزے دار والی۔

پھر تھوڑا سنجیدہ ہوتے ہوئے کہا، میرا مزاج جذباتی ہے، تو میرا شوہر پرسکون ہونا چاہیے۔ جب میں پریشان ہوں تو وہ نہ صرف خود پر قابو رکھے بلکہ میرے مسائل کا حل بھی نکالے۔ وہ ذہین ہو، متوازن ہو اور میرے غصے کو بھی سنبھال سکے۔

سحر ہاشمی نے اس موقع پر یہ بھی واضح کیا کہ وہ محبت کی شادی کے بجائے رشتہ داروں کی پسند یعنی ارینج میرج کو ترجیح دیتی ہیں، کیونکہ ان کے نزدیک تعلق کی اصل بنیاد کمپیٹیبیلیٹی یعنی ذہنی ہم آہنگی ہے، نہ کہ صرف محبت۔

یہ انکشافات نہ صرف ان کے مداحوں کے لیے دلچسپی کا باعث بنے بلکہ ان کے خیالات سے یہ بھی اندازہ ہوتا ہے کہ وہ ایک پرخلوص، باشعور اور گہرے تعلقات کی خواہاں ہیں۔