کل جب نہیں ہوں گا تو یہی کلپ چلے گی۔۔ رمضان چھیپا نے عامر لیاقت کا یادگار ویڈیو شیئر کر کے سب کو جذباتی کر دیا

Ramzan Chhipa Ne Aamir Liaquat Ki Video Share Kardi

موت کی حقیقت۔۔۔ عامر لیاقت کی پیش گوئی جیسی ویڈیو نے دلوں کو ہلا دیا

چھیپا ویلفیئر ایسوسی ایشن کے بانی اور معروف سماجی کارکن رمضان چھیپا نے اپنے انسٹاگرام پر مرحوم عامر لیاقت حسین کی ایک ایسی ویڈیو شیئر کی ہے جس نے سوشل میڈیا صارفین کو جذباتی کر دیا ہے۔

اس مختصر کلپ میں عامر لیاقت، زندگی کے عارضی ہونے اور موت کی اٹل حقیقت پر خاموش لہجے میں گفتگو کرتے دکھائی دے رہے ہیں۔ یہ لمحہ اُس وقت کا ہے جب وہ جیو کہانی کے ایک پروگرام کی میزبانی کر رہے تھے، اور نہایت سادگی سے ناظرین کو یاد دلا رہے تھے کہ، "ہم سب نے ایک دن اسی مٹی میں لوٹنا ہے۔"

ویڈیو میں ان کا کہنا تھا، گھبرانے کی بات نہیں، ایک دن سب کو یہاں آ کر لیٹنا ہے۔ آج میں زندہ ہوں، یہ باتیں کہہ رہا ہوں، کل جب نہیں ہوں گا تو یہی کلپ چلے گا، لوگ کہیں گے کہ عامر لیاقت نے یہ بات کہی تھی۔"

رمضان چھیپا کی جانب سے یہ ویڈیو شیئر کرنا ایک جذباتی لمحہ بن گیا، کیونکہ واقعی، آج وہ ویڈیو گواہ ہے ایک ایسے انسان کی بصیرت کی، جو دنیا سے چلے جانے کے بعد بھی لوگوں کے دلوں میں زندہ ہے۔

یاد رہے، عامر لیاقت 9 جون 2022 کو کراچی میں انتقال کر گئے تھے۔ انہیں نازک حالت میں اسپتال لایا گیا، جہاں ڈاکٹرز نے ان کی وفات کی تصدیق کی۔ اُن کے چاہنے والوں کے لیے یہ ویڈیو ایک انمول یادگار بن گئی ہے۔