Khubsurti ka Asan Qudrati Tarika !

آج کل ہر کوئی خوبصورت لگنا چاہتا ہے اور اس کے لیے ہزاروں روپے خرچ بھی کئے جاتے ہیں تاہم قدرتی اجزاء سے خوبصورتی کا حصول نہ صرف آسان بلکہ محفوظ ترین ہے ۔ آئیے ہم بتاتے ہیں کہ کس طرح سے گھر میں موجود اشیاء سے اپنی خوبصورتی کی حفاظت اور آرائش کی جاسکتی ہے ۔

ایک لیموں کا چھلکا پیس کر اس میں ایک چائے کا چمچ گلیسرین اور ایک چمچ عرق گلاب ملا کر کریم تیار کرلیں ۔ رات کو سونے سے پہلے پھٹی ہوئی ایڑیوں پر لگا کر صبح پیر دھولیں ۔ پھٹی ہوئی ایڑیاں ٹھیک ہوجائیں گی ۔

چکنی جلد کی صفائی کے لیے ایک لیموں کے رس میں ایک کھانے کا چمچ بیسن اور دو چائے کے چمچ عرق گلاب ملا کر ماسک بنالیں ۔ اس ماسک کو چہرے پر لگا کر دس منٹ بعد دھولیں ۔

ایک لیموں کے رس میں ایک چائے کا چمچ شہد ملاکر ماسک بنالیں اور گرمی کے موسم میں دھوپ سے پڑجانے والے نشانوں پر لگائیں ۔تھوڑے دنوں میں دھوپ سے جلنے کے نشان مٹ جائیں گے ۔

لیموں کے چھلکوں کو پیس کر اس میں بادام کا تیل یا پیٹرولیم جیلی ملا کر آنکھوں کے گرد لگائیں اور چندمنٹ تک مساج کریں ۔ اس کے بعد ململ کے کپڑے کو عرق گلاب میں بھگو کر اس سے صاف کرلیں ۔ آنکھوں کے گرد پڑی ہوئی جھریاں ختم ہوجائیں گی ۔

گرمیوں میں چہرے کی چکنائی ختم کرنے کے لیے تھوڑے سے بیسن میں لیموں کا رس ملا کر ماسک بنالیں اور میک اپ کرنے سے پندرہ منٹ پہلے لگالیں ۔ چہرے کو عرق گلاب سے دھو کر میک اپ کرلیں ۔ اس طرح سے میک اپ زیادہ دیر تک قائم رہے گا۔

ناک سے سیاہ کیلوں کی صفائی کے لیے کسی بھی کولڈ کریم سے مساج کریں اور پھر روئی سے صاف کرلیں۔ اب لیموں کے رس دار چھلکے کوناک پر آہستہ آہستہ رگڑیں ، کیلیں نرم پڑجائیں گی ، انہیں دباکر نکال لیں ۔

* چہرے کا رنگ صاف کرنے کے لیے لیموں ، کینوں کا رس اور شہد ہم وزن ملا کر صبح و شام لگائیں ۔
* ثابت ہلدی کو چکنے پتھر پر پانی کے ساتھ رگڑیں اور دن میں تین بار داغوں پر لگائیں ۔ اس عمل سے چہرے کے داغ بالکل غائب ہوجائیں گے ۔
* لیموں کے چھلکے پیس کر دودھ میں ملائیں اور رات کو چہرے پر لگا کر سوئیں ، صبح اُٹھ کر چہرہ دھولیں ۔ اس سے چہرے کے داغ دھبے دور ہوجاتے ہیں ۔
* چہرے کو دھو کر دھی لگائیں اور بیس منٹ کے بعد چہرہ نیم گرم پانی سے دھولیں ۔ یہ عمل چکنی اور دھبے دار جلد کے لیے بہترین ہے ۔
* جگماتا ہوا چہرہ پانے کے لیے پکے ہوئے پپیتے کا گودا چہرے پر لگائیں اور تھوڑی دیر کے بعد چہر ہ دھولیں ۔
* اگر آپ کی جلد چکنی ہے تو انڈے کی سفیدی میں شہد ملا کر لگائیں جب کہ خشک جلد والی خواتین دودھ کی بالائی میں شہد ملا کر لگائیں ۔

Khubsurti ka Asan Qudrati Tarika - Having fresh and glowing skin is necessary to look gorgeous and eye-catching appearance. However exposure to polluted environment and harsh sun-rays really makes it a big challenge. There are a number of cosmetic products, which claims their self effective to keep the skin glowing and fresh but I think they can’t provide you satisfying results. The only thing that can help you is natural beauty tips. So let’s try some of these natural beauty tips I hope you will get the result.