خوبصورت نظر آنا چاہتے ہیں تو بس ان 5 ٹپس کو اپنی زندگی کا حصہ بنا لیں اور پھر دیکھیں اس کا کمال

ماہرین صحت ہمیں صحت کو بہتر بنانے کے ساتھ ساتھ مختلف غذاؤں اور طرزِ زندگی کے اصولوں کو اپنا کر اپنی خوبصورتی کو مزید بڑھانے کے طریقے بھی بتاتے رہتے ہیں آج ہم آپ کے لئے کچھ ایسا ہی خاص لائے ہیں، بس چند ٹپس کو اپنی روزانہ کی روٹین کا حصہ بنا کر آپ اپنی جِلد کو صاف شفاف اور نکھرا ہوا بنا سکتے ہیں۔
چند ایسے سُپر فوڈ قدرت نے ہمیں دیئے ہیں جن کا اگر ہم روزانہ استعمال کریں تو ہم اپنی جلد کو بہت خوبصورت بنا سکتے ہیں لیکن اتنا کرنا کافی نہیں ہوگا، ہمیں اپنا طرزِ زندگی بھی تھوڑا بدلنا ہوگا اور خود کو ان چیزوں کا عادی بنانا ہوگا، وہ کونسی چیزیں ہیں جن کی آپ کو آج سے عادت بنانی ہے آیئے جان لیتے ہیں۔

خوبصورتی کو قدرتی طور پر بڑھانے کے چند طریقے

• پانی کا استعمال

وزن کم کرنا ہے؟ زیادہ پانی استعمال کریں، چہرے پر قدرتی نکھار لانا ہے؟ زیادہ پانی استعمال کریں، ہماری زندگی کا سب سے اہم جُز اور سب سے بڑی نعمت پانی ہے ہمارے بہت سے مسائل کا آسان حل پانی کا زیادہ استعمال ہے، اس لئے اگر آپ جلد کے مسائل سے دور رہنا چاہتے ہیں اور خوبصورتی میں اضافہ کرنا چاہتے ہیں تو بس پانی کا زیادہ سے زیادہ استعمال کریں۔

• اینٹی آکسیڈنٹس کو روزانہ کی غذا کا حصہ بنائیں

جِلد کو نکھارنے اور خوبصورتی میں اضافے کے لئے ضروری ہے کہ آپ اپنی روزانہ کی ڈائٹ میں بھرپور اینٹی آکسیڈنٹس والی غذاؤں کا استعمال کریں، اور اس کا اسب سے بہترین زریعہ ہے تازہ سبزیوں کا جوس، جلد کو نکھارنے کے لئے کھیرے کا جوس، گاجر کا جوس، ٹماٹر کا جوس، پالک کا جوس اور چقندر کا جوس استعمال کریں۔

• پیٹ صاف کریں

ہمیشہ یاد رکھیں کہ جو بھی چیز آپ کھاتے کیں وہی آپ کے چہرے کو متاثر کرتی ہے یعنی آپ اگر ایسی غذاؤں کا استعمال کریں جن سے آپ کی جلد بہتر ہو تو جلد نکھرے گی اور اگر ان غذاؤں کا استعمال کریں جن سے جلد خراب ہو تو جلد خراب ہی ہو گی اس لئے کوشش کریں جنک فوڈ اور پروسیسڈ فوڈ سے دور رہیں اور وہی غذائیں استعمال کریں جو آپ کی جلد کی صحت کے لئے بہتر ہوں، تاکہ پیٹ صاف رہے۔

• مدافعتی نظام بہتر بنائیں

جلد کو خوبصورت بنانے کے لئے ہماری قوتِ مدافعت کا اچھا ہونا بے حد ضروری ہے، ایسی غذاؤں کا استعمال کریں جن سے آپ کی آنتوں کو کوئی نقصان نہ ہو، لیکٹوس فری غذاؤں کا استعمال کریں، کیونکہ اس کی وجہ سے آپ کو آنتوں کی سوزش کا سامنا ہو سکتا ہے۔

• روزانہ ورزش کریں

ورزش کو اپنی زندگی کا اہم حصہ بنا لیں، تو پھر آپ صحت مند بھی رہیں گے اور آپ کی خوبصورتی میں بھی اضافہ ہوگا، جلد کی کو بہتر بنانے اور خوبصورتی کو بڑھانے کے لئے ورزش کرنا ضروری ہے، تو اگر آپ چاہتے ہیں کہ آپ چمکتے دمکتے نظر آئیں تو کم سے کم روزانہ آدھا گھنٹہ ورزش ضرور کریں۔