خون کی کمی ہو یا چہرہ مرجھا جائے.. جانیں ڈاکٹر ام راحیل سے سبزیوں کا جوس بنانے کا ایسا طریقہ جو ان بیماریوں کے علاج میں مفید ہے

خون کی کمی خواتین کا بہت بڑا مسئلہ ہے۔ تحقیق کے مطابق پاکستان میں 45 فیصد خواتین آئرن کی کمی کا شکار ہوتی ہیں جس سے انھیں اینیمیا کا مرض ہوجاتا ہے۔ آئرن اور خون کی کمی عورت کی صحت کے لئے نقصان دہ ہونے کے علاوہ حمل کے دوران بھی کئی پیچیدگیوں کا باعث بنتا ہے۔ خون کی کمی کا شکار حاملہ خواتین کے ہاں ذہنی معذور بچوں سے لے کر مردہ بچوں کی پیدائش بھی عام ہے۔

خون کی کمی سے خواتین کے چہرے پر سیاہ دھبے، جسمانی کمزوری اور چہرے پر تھکن کی علامات ظاہر ہوتی ہیں۔ آج کے آرٹیکل میں ہم آپ کو ڈاکٹر ام راحیل کا بتایا ہوا ایسا جوس بنانے کا طریقہ بتائیں گے جس سے خواتین میں خون کی کمی دور ہوسکتی ہے۔

جوس بنانے کا طریقہ

اس کے لئے آپ کو آدھے سے کم گلاس چقندر کا جوس چاہیے، اتنی ہی مقدار میں گاجر کا جوس اور آدھا کپ نارنجی کا جوس۔ اس سب کو مکس کر کے بڑے گلاس میں نکال لیں اور ایک لیموں نچوڑ کر پی لیں۔ حسبِ ضرورت نمک اور کالی مرچ شامل کیا جاسکتا ہے۔

جوس کا استعمال اور فائدے

ڈاکٹر ام راحیل کا کہنا ہے کہ چقندر خون کی کمی کو دور کرتا ہے۔ چونکہ اس کو کھانا مشکل ہے اس لئے اس کا جوس بنا کر استعمال کریں۔ اس کے علاوہ گاجر آنکھوں کے لئے مفید ہے جبکہ کینو وٹامن سی کا خرانہ ہے۔ یہ تمام اجزاء مل کر جسم کو طاقت بخشتے ہیں اور ایک گلاس روز اس مشروب کو پینے سے خون کی کمی کے علاوہ بہت سی بیماریوں سے نجات مل جائے گی۔ ساتھ چہرہ بھی کھل اٹھے گا۔