خراٹوں سے نجات پانے کے چند آسان ٹوٹکے ضرور جانیں

اگر آپ یا آپ کے کمرے میں سونے والے بہن بھائی، شوہر یا بیوی غرض کوئی بھی نیند میں خراٹے لینے کی عادت کا شکار ہے تو یقیناً آپ کی نیند بھی متاثر ہوتی ہوگی اور آپ کے انھیں ٹوکنے سے ان کی نیند بھی خراب ہوتی ہوگی۔ دراصل خراٹے لینے والے لوگ بے بس ہوتے ہیں اور نیند میں خراٹے لینا یا نہ لینا ان کے اپنے ہاتھ میں نہیں ہوتا۔ اس لئے انھیں اس بات کے لئے زمہ دار تو نہیں ٹہرایا جاسکتا البتہ کچھ ایسے طریقے ہیں جن سے اس ناگوار عادت سے چھٹکارا حاصل کرنے میں کسی حد تک مدد مل سکتی ہے

1- پیٹھ کے بل سونا

یہ سونے کا عام طریقہ ہے لیکن اس کی وجہ سے حلق پر دباؤ پڑتا ہے اور اکثر زبان حلق کے اندر پھنس جاتی ہے اور خراٹے کا سبب بنتی ہے۔ اس طرح سونے کے بجائے کروٹ لے کر سونے کی کوشش کریں

2- پانی پئیں

اگر آپ کے حلق، منہ اور ناک کا حصہ بہت زیادہ خشک ہے تو یہ اس بات کی نشانی ہے کہ آپ نے مناسب مقدار میں پانی نہیں پیا جس کی وجہ سے بھی خراٹے پیدا ہوسکتے ہیں

3- کوئی خاص عادت

موٹاپا، الکوحل کا استعمال اور سگریٹ نوشی جیسی عادتیں بھی خراٹے کا باعث بنتی ہیں اس لئے ان عادتوں کا ترک کردینا ہی بہتر ہے اور اگر وزن بہت زیادہ ہے تو اسے بھی کم کرنا ضروری ہے

4- گلا خراب ہونا

گلا خراب ہونا یا حلق میں بلغم کی زیادتی سوتے ہوئے سانس لینے میں دقت پیدا کرتی ہے۔ اگر ایسا ہے تو معالج سے رجوع کریں اور نیم گرم پانی سے غرارے کریں

5- ہلکی آواز میں کھنکھاریں

اگر ساتھ والے کے خراٹے سے آپ کی نیند بہت زیادہ متاثر ہورہی ہے تو بجائے انھیں جگانے کے آپ کا ہلکی آواز میں کھنکھارنا ہی کافی ہوگا اور وہ خراٹے لینا بند کردیں گے

By Aqib Shahzad  |   In Health and Fitness  |   0 Comments   |   3563 Views   |   20 Jun 2021
Related Articles
Top Trending
Comments/Ask Question

Read Blog about خراٹوں سے نجات پانے کے چند آسان ٹوٹکے ضرور جانیں and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (خراٹوں سے نجات پانے کے چند آسان ٹوٹکے ضرور جانیں) and how to utilize other natural ingredients to cure diseases, easy recipes, and other information related to food from KFoods.