ماہرہ کا جوڑا کتنے لاکھ کا ہے؟ سالوں بعد فود اور ماہرہ نے مداحوں کے دل ایک بار پھر دھڑکا دیے

پاکستانی خوبصورت اداکارہ ماہرہ خان نے ایک بار پھر دل جیت لیے جب انہوں نے فواد خان کی دلہن بنتے ہوئے شاندار اور مہنگے عروسی جوڑے میں جلوے بکھیرے۔ ماہرہ اور فواد کی جوڑی کا جادو 2011 کے مقبول ڈرامہ "ہمسفر" سے شروع ہوا، جس نے ان دونوں کو عوام کی دلوں کی دھڑکن بنا دیا اور ان کے آن اسکرین تعلق کی جادوگری آج تک برقرار ہے۔

حالیہ دنوں میں، ماہرہ اور فواد نے ایک پراجیکٹ کے لیے دوبارہ اسکرین پر ساتھ نظر آ کر اپنے چاہنے والوں کی دیرینہ خواہش پوری کی۔ اس ویڈیو میں دونوں کی محبت کی کہانی تیزی سے آگے بڑھتی نظر آئی، جس نے کئی دلوں میں وہی پرانی خواہش جگا دی کہ کاش یہ جوڑی حقیقت میں بھی ایک ہو جائے۔

ویڈیو میں، ماہرہ کے مختلف انداز سامنے آئے لیکن سب سے زیادہ توجہ حاصل کرنے والا وہ لمحہ رہا جب وہ عروسی جوڑے میں نظر آئیں۔ ہلکے گلابی، سبز اور رانی گلابی لہنگے کے ساتھ ان کی میچنگ چولی اور دلکش دوپٹہ، جو سر پر شان سے سجا ہوا تھا، ان کے حسن کو چار چاند لگا رہا تھا۔

یہ دلکش عروسی جوڑا رانو ہیئر لومس کا شاہکار تھا، جس کی قیمت 17 لاکھ 50 ہزار پاکستانی روپے تھی۔ یہ جوڑا خاص سلک کے کپڑے سے بنایا گیا تھا، جو اس کے حسن کی اہم وجہ تھی اور اسے دیکھ کر ہر نظر رک سی گئی۔

ماہرہ اور فواد کی یہ جوڑی ایک بار پھر مداحوں کو ان کے "ہمسفر" کے دنوں کی یاد دلا گئی، اور ان کی سکرین پر موجودگی کو ایک خواب کی مانند بنا دیا جسے دیکھ کر ہر کوئی متاثر ہوئے بغیر نہ رہ سکا۔