کھانا کھانے کے بعد 10 منٹ چہل قدمی کرنا کیوں ضروری ہے جانیئے اس کے حیرت انگیز فوائد

کھانا کھانے کے بعد ایسا محسوس ہو رہا ہے کہ جو بھی کھایا ہے وہ سینے پر رکھا ہے تو ایک معمولی سی 10 منٹ چہل قدمی آپ کے کھانے کو ہضم کرنے کے لئے فائدے مند ثابت ہو سکتی ہے، جی ہاں! صرف 10 منٹ۔
عید کا سیزن ہے اور ایسے میں بڑے شاندار پکوان تیار کئے جاتے ہیں جنہیں کھا کر آپ خود کو بہت بھرا ہوا محسوس کرتے ہیں آپ چاہے کچھ بھی کھائیں اگر اس کے فوری بعد 10 منٹ کی چہل قدمی کر لیں تو اس کھانے کی وجہ سے پیدا ہونے والے موٹاپے سے خود کو بچا سکتے ہیں۔
اکثر لوگ کھانے پینے کے فوری بعد لیٹ جاتے ہیں ایسا کرنے سے انہیں سینے میں جلن تیزابیت اور بدہضمی جیسی صورتحال کا سامنا کرنا پڑتا ہے اس لئے بہتر ہے کہ کچھ بھی کھانے کے فوری بعد آپ زیادہ نہیں تو کم سے کم 10 منٹ چہل قدمی لازمی کریں۔
ایسا کرنے سے آپ کو کیا کیا فوائد حاصل ہو سکتے ہیں آیئے ہم آپ کو بتاتے ہیں۔

کھانے کے بعد چہل قدمی کے فوائد

کیا آپ جانتے ہیں کہ کھانے کے بعد روزانہ چہل قدمی کرنا دل کی بیماری کے خطرات کو کم کرنے میں مدد دیتا ہے، جی ہاں متعدد تحقیقات میں یہ بات سامنے آئی ہے کہ اگر ہفتے میں 5 دن اگر 30 منٹ تک چہل قدمی کی جائے تو ایسے افراد میں دل کی بیماریوں میں مبتلا ہونے کا خطرہ 20 فیصد تک کم ہوجاتا ہے۔

چہل قدمی کرتے ہوئے کون سی باتوں کو ذہن میں رکھنا ضروری ہے؟

چہل قدمی کرتے وقت ہمیشہ یہ بات ذہن میں رکھیں کہ اگر آپ کھانا کھانے کے فوری بعد چہل قدمی کر رہے ہیں تو آہستہ چلیں زیادہ تیز تیز چلنے اور بھاگنے سے گریز کریں کیونکہ ایسا کرنے سے آپ کو معدے میں درد اور بد ہضمی کی شکایت ہو سکتی ہے۔
اس کے علاوہ اپنی چہل قدمی کے دورانیے کو آہستہ آہستہ بڑھائیں شروعات میں 6 سے 7 منٹ چہل قدمی کریں پھر 10 منٹ، پھر 20 اور پھر 30 منٹ اور یوں اس دورانیے کو بڑھاتے جائیں کوشش کریں کہ روزانہ چہل قدمی کو عادت بنا لیں یہ آپ کی عمر میں اضافہ کرسکتا ہے اور ساتھ ہی آپ کو کئی قسم کی بیماریوں سے دور رکھنے کے لئے فائدے مند ہے۔

By Sadia    |    In Health and Fitness   |    0 Comments    |    758 Views    |    27 Jul 2021

Comments/Ask Question

Read Blog about کھانا کھانے کے بعد 10 منٹ چہل قدمی کرنا کیوں ضروری ہے جانیئے اس کے حیرت انگیز فوائد and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (کھانا کھانے کے بعد 10 منٹ چہل قدمی کرنا کیوں ضروری ہے جانیئے اس کے حیرت انگیز فوائد ) and how to utilize other natural ingredients to cure diseases, easy recipes, and other information related to food from KFoods.