کڑوے باداموں کا تیل بالوں کو کس طرح فائدہ پہنچاتا ہے؟

کڑوے باداموں کا تیل اپنی اینٹی بیکٹیریل اور اینٹی فنگل خصوصیات کی وجہ سے جانا جاتا ہے، لیکن یہ مہلک ٹاکسن پر مشتمل ہے اس لئے اس کے استعمال میں احتیاط کی جانی چاہیے، اور اس کو صرف بیرونی استعمال تک ہی محدود رکھنا چاہیے۔ اور بیرونی استعمال میں بھی مناسب حد میں اس کا استعمال کیا جائے۔اس کے بے شمار فوائد ہیں ، خاص کر بالوں کے لئے یہ بہت فائدہ مند ہے۔ بالوں کے لئے کڑوے بادام کے چند فوائد درج ذیل ہیں کیونکہ اس میں امینو ایسڈ بھی پایا جاتا ہے۔ اس میں بائیوٹین موجود ہے ، سورج سے تحفظ کے لئے ایس پی ایف 5 اور اینٹی فنگل خصوصیات موجود ہوتی ہے ، جو خشکی کو کم کرتی ہے اور بالوں اور کھوپڑی کو صحت مند بناتی ہے۔

بالوں کے لئے کڑوے بادام کے تیل کے بنیادی فوائد کیا ہیں؟

1۔ بالوں کو نرم اور مضبوط بنائے اس کی وجہ یہ ہے کہ اس میں وٹامن بی 7 ہوتا ہے یا جسے بائیوٹین کہا جاتا ہے، لہذا بادام کا کڑوا پن بالوں اور ناخن کو صحت مند اور مضبوط میں رکھنے میں مدد کرتا ہے۔
2۔ بالوں کو سورج کی شعاعوں سے بچاتا ہے کیونکہ اس میں قدرتی ایس پی ایف 5 سن اسکرین ہے۔
3۔ اس کی اینٹی فنگل اوراینٹی بیکٹیریا کی خصوصیات فنگس کو بے اثرکرنے میں موثرطریقے سے کام کرتی ہیں اور یہ جلد میں آسانی سے گھس جاتا ہے ، لہذا بادام کا تیل سر کی جلد کو ہائیڈریٹ کرنے اور بالوں کو صاف کرنے کے لئے اچھی طرح سے کام کرتا ہے۔
4۔ بادام کے تیل میں وٹامن ای موجود ہوتا ہے، اور یہ وٹامن سر کے آکسیکرن کو کم کرتا ہے ، جو گنجا پن کا امکان کم کرتا ہے اور بالوں کی نشوونما کو تیز کرتا ہے۔

کڑوے بادام کا تیل بالوں میں کس طرح لگائیں؟

1۔ بالوں کو اچھی طرح سلجھا لیں۔
2۔ اوپر سے نیچے تک بالوں میں کنگھا کریں اس سے دورانِ خون تیز ہوتا ہے۔
3۔ آدھا چائے کا چمچ کڑوے تیل کی مقدار اپنی ہتھیلی پر نکالیں اور بالوں میں لگائیں ، اسے بالوں کی جڑوں میں لگائیں۔
4۔ اپنی انگلیوں کی مدد سے آہستہ آہستہ مساج کریں۔
5۔ روزانہ بادام کا تیل بالوں کے سروں پر لگائیں اس سے بال مضبوط اور صحت مند ہوں گے اور دومنہ والے نہیں ہوں گے۔

اچھے رزلٹ کے لئے کیا کریں؟

1۔ ایک پکے ہوئے کیلے کو ایک چائے کا چمچ کڑوے بادام کے تیل میں اچھی طرح مکس کرلیں ، پھر اس سے سرکی اچھی طرح مالش کریں ، تقریبا آدھے گھنٹے تک لگا رہنے دیں ، پھر بالوں کو دھولیں اس کے نتائج آپ کو حیران کردیں گے۔
2۔ ایوکاڈو کو کچل لیں اور اس میں ایک چائے کا چمچ کڑوے بادام کا تیل ملا دیں ، پھر اسے تمام بالوں میں اچھی طرح لگا لیں اور آدھے گھنٹے کے بعد دھو لیں۔
3۔ برابر مقدار میں کڑوے بادام کا تیل ، زیتون کا تیل اور ارنڈی کا تیل( کیسٹر آئل) ، ڈبل بوائلر یا مائکروویو میں چند سیکنڈ کے لئے گرم کریں ، پھر اسے بالوں پرلگائیں، اسے لگ بھگ دو گھنٹے کے بعد بالوں کو دھو لیں۔