کان کے درد کا مؤثر اور گھریلو علاج ! جانیئے باورچی خانے میں موجود کن چیزوں سے کان کے درد کا علاج کیا جا سکتا ہے؟

اگر آپ کو کبھی کان میں درد کی شکایت ہوئی ہو تو بخوبی جانتے ہوں گے کہ وہ کتنا تکلیف دہ ہوتا ہے، کان میں درد کی کئی وجوہات ہو سکتی ہیں جیسے کہ ٹونسلز، ناک کے اندرونی حصے میں انفیکشن، کیویٹیز اور کان کا میل وغیرہ۔
مگر اچھی خبر یہ ہے کہ آپ کے کچن میں بہت کچھ ایسا ہے جو کان کے درد میں ریلیف دلاتا ہے اور آپ کو ڈاکٹر کے خرچے سے بچاتا ہے۔

• باورچی خانے میں موجود اجزاء سے کان کے درد کا علاج

• لہسن

لہسن کے دو جوے پیس لیں اور دو چائے کے چمچ سرسوں کے تیل میں مکس کر لیں، پھر اس مکسچر کو اس وقت تک گرم کریں جب تک لہسن کی رنگت ہلکی سی سیاہ نہ ہو جائے، اسے ٹھنڈا ہونے دیں اور پھر چند قطرے متاثرہ کان میں ڈالیں، یاد رہے کہ تیل بہت معمولی گرم ہو تیز گرم تیل ہرگز استعمال نہ کریں، لہسن کی سن کر دینے والی خاصیت درد میں افاقہ دے گی۔

• زیتون کا تیل

زیتون کے تیل کو نیم گرم کر کے متاثرہ کان میں 2 سے 3 قطرے روزانہ ڈالیں اور 5 سے 10 منٹ کے لئے چھوڑ دیں اس عمل کو 3 سے 4 دن تک روزانہ دہرائیں درد میں آرام آئے گا۔

• تلسی کے پتوں کا عرق

ایک اور قدرتی نسخہ تلسی کے پتوں کا عرق ہے، کچھ پتوں کو پیس لیں اور ان پتوں سے نکلنے والے عرق کو متاثرہ کان میں ڈالیں یہ بھی کان کے درد کا علاج کرنے کے لئے بہترین ہے، تاہم استعمال سے پہلے عرق کو اچھی طرح ہلا ضرور لیں۔

• نمک

نمک کی کچھ مقدار کو ہلکی آنچ پر گرم کریں اور پھر روئی کو اس پر پھیریں، پھر اس روئی کو کان میں دس منٹ کے لیے لگا رہنے دیں، نمک کان کے اندر موجود سیال کو کھینچ لے گا اور سوجن کم ہوجائے گی۔
نوٹ: یہ مضمون عام معلومات کے لیے ہے، قارئین اس حوالے سے اپنے معالج سے بھی ضرور مشورہ لیں اس کے بعد گھریلو نسخے آزمائیں۔