جوڑوں کا درد ہو یا موچ آگئی ہو۔۔ گھر میں بنائیں صرف 3 چیزوں سے ایسا زبردست تیل، جو ہڈیوں اور مسلز کے درد میں دے فوری راحت

عمر کے ساتھ اکثر لوگوں کو جوڑوں کے درد کی تکلیف رہنے لگتی ہے، اور زیادہ محنت مشقت والا کام کرنے سے یہ درد اور بڑھ جاتا ہے۔ پر یہ مسئلہ صرف عمر رسیدہ لوگوں کو ہی درپیش نہیں ہے بلکہ آج کل نوجوانوں کو بھی آفس میں کام کرنے کی وجہ سے کندھوں اور پیروں میں درد رہنے لگا ہے۔

اسلیئے آج ہم آپ کو ایک ایسا آسان تیل بنانا سیکھارہے ہیں، جس سے جوڑوں کا درد، مسلز کا درد اور موچ وغیرہ میں بھی راحت ملے گی۔ تو چلیئے شروع کرتے ہیں۔

تیل بنانے کیلیئے اجزاء:

۔ تیز پتّے 6 عدد
۔ روز میری 1 چمچ
۔ زیتون کا تیل 1 کپ
روز میری کے خشک پتّے باآسانی پنساری کی دکان یا پھر سپر اسٹور سے مل جائیں گے۔ اگر تازہ لینا چاہتے ہیں تو اس کی دو ڈالیاں لے کر اسکے پتے الگ کردیں۔

تیل بنانے کا طریقہ:

۔ ایک دیگچی میں تیز پتّوں کو ہاتھ سے مسل کر اسکے چھوٹے ٹکڑے کر کے ڈال دیں، اور ساتھ ہی روز میری بھی۔ پھر اس میں تیل ڈال دیں
۔ اب ایک بڑی دیگچی میں پانی بھر کر اسے تیز آنچ پر گرم کرلیں، پھر تیل والی دیگچی کو پانی کی دیگچی میں ڈھکن لگا کر ہلکی آنچ پر پکنے کیلیئے رکھ دیں
۔ وقفے وقفے سے چمچ ہلاتے رہیں، آدھے گھنٹے بعد چولہا بند کر کے تیل کو ٹھنڈا کرلیں۔ پھر اسے چھان کر ایک کانچ کی بوتل میں بھر کے رکھ دیں

استعمال کا طریقہ:

اب جہاں بھی درد ہو، جسم کے اُس حصّے پر رات کو اس تیل کی مالش کریں اور سوجائیں۔ صبح تک انشاءاللّٰہ ٹھیک ہوجائے گا۔