میں ہلدی کے ساتھ یہ چیز ملا کر چہرے پر لگاتی ہوں۔۔ دیپیکا کی سنہری رنگت کا راز کون سا گھریلو ماسک ہے جس سے آپ بھی اپنا چہرہ جگمگا سکتی ہیں؟

اداکارائیں اپنی جلد کو بے داغ اور خوبصورت رکھنے کے لئے کئی جتن کرتی ہیں۔ لیکن کچھ اداکارائیں ایسی بھی ہوتی ہیں جن کا حسن اور خوبصورت بے داغ جلد قدرتی ہوتی ہے۔ ایسی ہی بالی وڈ کی مشہور ایکٹریس دیپیکا بھی ہیں جو اپنے تیکھے نین نقش اور سانولی لیکن صاف جلد کی وجہ سے بہت پسند کی جاتی ہیں۔ حال ہی میں دیپیکا نے اپنے حسن کا راز بتایا ہے جو اپنے قارئین کے لئے ہم بھی شئیر کررہے ہیں۔

ماسک بنانے کا طریقہ

ایک انٹرویو کے دوران جب پوچھا گیا کہ دیپیکا اپنے حسن کی دیکھ بھال کے لئے کون سا گھریلو ماسک استعمال کرتی ہیں تو ان کا کہنا تھا وہ صدیوں سے استعمال ہونے والا ماسک بنا کر چہرے پر لگاتی ہیں۔ اس ماسک کو بنانے کے لئے ٢ چمچ بیسن اور آدھا چچ ہلدی اور آدھی پیالی بالائی لے کر مکس کر لیں اور چہرے اور گردن پر اچھی طرح لگا کر آدھے گھنٹے تک چھوڑ دیں اور بعد میں چہرہ دھو لیں۔

یہ ماسک کیا کرتا ہے؟

اس ماسک سے جلد کو نمی ملتی ہے۔ ہلدی چونکہ اینٹی فنگل ہے اس لئے یہ اسکن انفیکشن دور کرنے اور جراثیم کا خاتمہ کرنے کا کام کرتی ہے جس سے دانے نہیں ہوتے اس کے علاوہ بیسن جلد سے چکنائی جذب کرتا ہے۔ بالائی رنگت نکھارتی ہے اور دھوپ سے سیاہ ہوتی جلد کو نئی تازگی عطا کرتی ہے۔