کیل مہاسے ہوں یا جھریاں جانے جلد کے تمام مسائل کا خاتمہ کرنے والے مختلف فیس پیک بنانے کے آسان طریقے

دانے، کیل مہاسے، داغ دھبے اور جھریاں چہرے کے کئی مسائل ہمیں پریشان کر دیتے ہیں اور ہم اس نے نمٹنے کے لئے حل تلاش کرنا شروع کر دیتے ہیں، آج ہم آپ کو بتائیں گے گھر میں موجود اجزاء سے ان مسائل سے نمٹنے والے چند گھریلو فیس پیک بنانے کے طریقے۔
ان فیس پیک کے استعمال سے آپ کی جلد ہو جائے گہ نکھری، کیل مہاسوں اور جھائیوں سے پاک، آیئے تو پھر فیس پیک بنانے کا طریقہ جان لیتے ہیں تاکہ آج سے ہی ان کا استعمال شروع کیا جا سکے۔

• گھریلو فیس پیک بنانے کے طریقے

ڈیٹاکس فیس پیک

• اجزاء:

ایک کھانے کا چمچ بیکنگ سوڈا
ایک کھانے کا چمچ دار چینی
شہد حسبِ ضرورت

• ترکیب:

بیکنگ سوڈا ٓم دارچینی پاؤڈر اور شہد کو اچھی طرح مکس کریں اور چہرے پر لگا لیں 15 سے 20 منٹ بعد چہرہ دھو لیں، اس پیک کو بنا کر فوری استعمال کریں اسٹور کر کے نہ رکھیں۔

دار چینی اور شہد والا فیس پیک

• اجزاء:

ایک چائے کا چمچ دارچینی پاؤڈر
ایک کھانے کا چمچ شہد
ایک کھانے کا چمچ پانی

• ترکیب:

دارچینی شہد اور پانی کو اچھی طرح مکس کر لیں کہ یہ یکجان ہو جائیں، اب اس پیک کو چہرے اور گردن پر 15 سے 20 منٹ لگائیں اور پھر دھو لیں، داغ دانے دھبے دور ہوں گے جھریاں کم ہوں گی اور جلد نرم وملائم ہو جائے گی۔

دہی اور ہلدی والا فیس پیک

سورج کی شعاعوں سے ہمارے چہرے کی جلد جھلس جاتی ہے، ایسے میں دہی اور ہلدی کا فیس پیک ہماری جلد کی رنگت کو بحال کر سکتا ہے اور اسے نکھرا ہوا بنا سکتا ہے۔

• اجزاء:

ایک کھانے کا چمچ دہی
ایک چوتھائی چائے کا چمچ ہلدی

• ترکیب

دہی اور ہلدی کو اچھی طرح مکس کریں اور چہرے پر لگا لیں، اس پیسٹ کو 15 منٹ تک چہرے پر لگائیں اور پھر ٹھنڈے پانی سے اسے دھو لیں۔

اسٹرابیری فیس پیک

اسٹرابیری وٹامن سی اور اینٹی آکسیڈنٹس سے بھرپور ہوتی ہے اسے آپ کھانے کے ساتھ ساتھ چہرے پر بھی لگا سکتے ہیں، اس کے استعمال سے چہرے کی رنگت نکھرے گی اور چہرے پر چمک آئے گی۔

• اجزاء:

ایک کھانے کا چمچ شہد
2 سے تین اسٹرابیری
1 کھانے کا چمچ دہی

• ترکیب:

ان تمام اجزاء کو اچھی طرح ملا لیں اور اسٹرابیری کو میش کر لیں اب اس فیس پیک کو فریج میں رکھ کر ٹھنڈا کریں اور چہرے پر لگا لیں، پھر 15 منٹ بعد نیم گرم پانی سے منہ دھو لیں۔

کیلے کا فیس پیک

• اجزاء:

ایک کھانے کا چمچ شہد
1 کھانے کا چمچ لیموں کا رس
ایک عدد کیلا

• ترکیب:

کیلے کو کانٹے کی مدد سے میس کر لیں اب اس میں لیموں کا رس اور شہد ملائیں اور اسے اچھی طرح مکس کریں، اس پیک کو چہرے پر لگائیں اور 15 منٹ بعد دھو لیں۔

By Sadia    |    In Beauty and Skin Care   |    0 Comments    |    4799 Views    |    26 Aug 2021

Related Articles

Comments/Ask Question

Read Blog about کیل مہاسے ہوں یا جھریاں جانے جلد کے تمام مسائل کا خاتمہ کرنے والے مختلف فیس پیک بنانے کے آسان طریقے and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (کیل مہاسے ہوں یا جھریاں جانے جلد کے تمام مسائل کا خاتمہ کرنے والے مختلف فیس پیک بنانے کے آسان طریقے) and how to utilize other natural ingredients to cure diseases, easy recipes, and other information related to food from KFoods.