عبادت کی چیز ناپاک نہ ہو جائے ۔۔ جائے نماز کو واشنگ مشین میں دھونا چاہیے یا نہیں؟ مفتی طارق مسعود کا بیان

واشنگ مشین میں کپڑے دھونا ایک عام بات ہے۔ عموماً خواتین اس میں گھر کے تمام پردے، چادریں، تولیے یہاں تک کہ فرش پر بچھانے والے میٹس تک دھو لیتی ہیں۔ کچھ خواتین اسی واشنگ مشین میں جائے نماز بھی اتنی آسانی سے ھدو کر ڈال دیتی ہیں۔ جس پر اکثر لوگوں کو اعتراض ہوتا ہے کہ جائے نماز چونکہ عبادت کی چیز ہیں، ان پر سر رکھ کر ہم سجدہ کرتے ہیں، خُدا کو یاد کرتے ہیں۔ لہٰذا جائے نماز کو واشنگ مشین میں ڈال کر نہیں دھونا چاہیئے۔

اصولاً دیکھا جائے تو واشنگ مشین میں گندے کپڑے ہوتے ہیں اور ان میں دھول، مٹی اور گندگی ہوتی ہے جبکہ جائے نماز پاک چیز ہے۔ بہتر ہے کہ گندے کپڑوں کے ساتھ نہ دھویا جائے۔ لیکن اس حوالے سے مفتی طارق مسعود کا کہنا ہے کہ:

"جائے نماز کو واشنگ مشین میں دھوئیں، بالکل دھوئیں لیکن دھونے سے قبل ایک مرتبہ پانی سے مشین کو دھو کر صاف کلریں اور اس میں صرف جائے نامز ہی ڈالیں۔ اس کے بعد سرف اور دیگر چیزیں ڈال کر دھوئیں اور پاک کرکے سکھا لیں۔ گندے کپڑوں کے ساتھ ہر گز نہ دھوئیں یا پہلے کپڑے دھونے کے بعد پانی مشین میں بچے اور اس میں اگر آپ نے جائے نماز ڈال کر دھویا تو یہ طریقہ بھی مناسب نہیں ہے ۔ لہٰذا پہلے جائے نماز دھولیں اور اس کے بعد دیگر کپڑے دھولیں۔