شاہ رخ خان نے آفر کی مگر امی نے دہی لینے بھیج دیا۔۔ جنت مرزا کی کارتک آریان کی فلم ٹھکرانے پر ٹرولنگ! ٹک ٹاکر بھی بول پڑیں

Jannat Mirza Ne Troll Karne Walon Ko Kya Jawab Dia

پاکستان کی سب سے زیادہ فالو کی جانے والی ٹک ٹاک اسٹار جنت مرزا نے ایک بار پھر خبروں میں جگہ بنالی ہے۔

ایک پرانی ویڈیو نے سوشل میڈیا پر طوفان برپا کر دیا جس میں جنت یہ دعویٰ کرتی نظر آئیں کہ، "مجھے بھارت سے فلم کی آفر ہوئی تھی، وہ بھی کارتک آریان کے ساتھ مرکزی کردار میں۔ لیکن میں نے یہ پروجیکٹ قبول نہیں کیا، کیونکہ والد نے اجازت نہیں دی۔"

جنت کا کہنا تھا کہ، وہ اداکاری سے اس لیے دور ہیں کیونکہ لمبے گھنٹوں کا کام ان کے مزاج کے خلاف ہے، اور وہ تبھی کوئی کام کرتی ہیں جب دل چاہے۔

جیسے ہی یہ ویڈیو وائرل ہوئی، انٹرنیٹ کے شہزادوں اور شہزادیوں نے طنز کے تیر چلانے شروع کر دیے!

ایک صارف نے لکھا، مجھے بھی شاہ رخ خان نے فلم میں کاسٹ کرنا تھا، پر میں دودھ لینے گیا ہوا تھا۔

دوسرے نے کہا، یہ لڑکی کہاں سے آ گئی جسے ہر طرف سے آفرز ہی آتی ہیں؟ کسی نے ڈرامہ دیا، کسی نے فلم!

ایک نے مذاق اڑاتے ہوئے لکھا، میں بھی آئرن مین کی جگہ آ رہا تھا، پر امی نے چھت سے کپڑے اتروانے بھیج دیا۔

لیکن جنت مرزا خاموش رہنے والوں میں سے نہیں۔

انہوں نے ٹرولرز کو جواب دیتے ہوئے کہا، کبھی کبھی لوگ صرف اپنی خوشی بانٹ رہے ہوتے ہیں۔ اگر برداشت نہیں ہوتا تو حسد میں جلنے کے بجائے خود کو بہتر بناؤ۔

جنت کے الفاظ نے ٹرولنگ کرنے والوں کو آئینہ دکھا دیا — اور مداحوں نے ان کے کانفیڈنس کو خوب سراہا۔

ان کا انداز، صاف گوئی اور بے خوفی ہمیشہ سے ان کی پہچان رہی ہے، اور یہی بات انہیں باقیوں سے ممتاز بناتی ہے۔

تو چاہے کوئی مانے یا نہ مانے، جنت مرزا نے ایک بار پھر یہ ثابت کر دیا کہ وہ صرف سوشل میڈیا کی اسٹار نہیں، بلکہ ایک بولڈ شخصیت ہیں، جو اپنے فیصلے خود لیتی ہیں، اور ہر بات پر صاف موقف رکھتی ہیں۔