السی کے استعمال شدہ بیجوں کو ضائع نہ کریں بلکہ، بالوں کو سیدھا سِلکی اور چمکدار بنانے کیلیئے اسکی کریم بنائیں

اکثر ہم السی کے بیجوں سے جیل نکال کر انہیں پھینک دیتے ہیں جو کہ اسکا ضیاع ہے، جبکہ السی ایک ایسی چیز ہے جو نہ صرف بالوں کیلیئے بہت مفید ہے بلکہ اسکو کھایا بھی جاتا ہے۔

آج ہم آپ کو بتائیں گے السی کا جیل نکالنے کے بعد ان استعمال شدہ بیجوں کو آپ کیسے کام میں لا سکتے ہیں، جس سے آپ کے بال سیدھے، سِلکی اور چمکدار ہوجائیں گے اور ساتھ ساتھ یہ آپ کے بالوں کی اندر سے نشونما کرئے گا۔

السی کے بیجوں کا جیل

ایک کپ السی کے بیج کو چار کپ پانی میں ڈال کر ابال لیں اسکے بعد گرم گرم ہی چھلنی سے چھان لیں ورنہ ٹھنڈا ہونے کے بعد بیج اکڑ جائیں گے اور جیل نکلے گا نہیں۔ چھان کر جیل کو ٹھنڈا کرلیں پھر اسے ایک کانچ کی بوتل میں بھر کر فریج میں رکھ دیں، یہ جیل آپ ایک مہینے تک استعمال کر سکتے ہیں۔

بچے ہوئے بیجوں سے کیا بنائیں؟

عموماً جیل بنانے کے بعد ہم بچے ہوئے بیجوں کو پھینک دیتے ہیں لیکن اب ہم انہیں بھی استعمال میں لے کر اس سے بالوں کی کریم بنائیں گے

السی کے بیجوں کی کریم

جیل نکالنے کے بعد جو بیج بچ گئے تھے انہیں زرا ٹھنڈا کر کے مکسچر بلینڈر میں ڈال کر پیس لیں، اگر صحیح سے بلینڈ نہ ہو تو تھوڑا پانی شامل کر سکتے ہیں۔ جب وہ بلکل نرم پیسٹ بن جائے تو اسے ململ کے کپڑے سے اچھی طرح چھان لیں تاکہ بیجوں کا سارا گودا نکل جائے۔ اب اس کریم کو ایک کانچ کی بوتل میں بھر کر فریج میں رکھ دیں۔

بالوں پر لگانے کا طریقہ

نہانے سے پہلے اس کریم کو اچھی طرح اپنے بالوں کی جڑوں میں لگا کر مساج کریں، پھر پورے بالوں میں اوپر سے نیچے تک لگا کر آدھے ایک گھنٹے کیلیئے چھوڑ دیں۔
اسکے استعمال سے آپ کے بال سیدھے، سِلکی، نرم و ملائم ہونے کے ساتھ خوبصورت اور مضبوط بھی ہونگے

By Salwa  |   In News  |   0 Comments   |   738 Views   |   25 Nov 2022
Related Articles
Top Trending
Comments/Ask Question

Read Blog about السی کے استعمال شدہ بیجوں کو ضائع نہ کریں بلکہ، بالوں کو سیدھا سِلکی اور چمکدار بنانے کیلیئے اسکی کریم بنائیں and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (السی کے استعمال شدہ بیجوں کو ضائع نہ کریں بلکہ، بالوں کو سیدھا سِلکی اور چمکدار بنانے کیلیئے اسکی کریم بنائیں) and how to utilize other natural ingredients to cure diseases, easy recipes, and other information related to food from KFoods.