اقرار الحسن کی تیسری شادی کرنے پر ان کی دوسری اہلیہ نے کیا انکشاف کردیا؟

معروف اینکر پرسن اقرار الحسن کی دوسری اہلیہ فرح اقرار نے اپنے شوہر اقرار الحسن کی تیسری شادی سے متعلق انٹرویو میں انکشاف کیا ہے۔

فرح اقرار سے نجی یوٹیوب چینل کے میزبان نے سوال کیا کہ اگر اقرار الحسن کا تیسری شادی کرنے کا ارادہ بن جائے تو کیا آپ انہیں اجازت دیں گی؟

جس پر فرح اقرار کا کہنا تھا کہ میں پہلے بھی مختلف انٹرویوز میں اپنے ویلاگز میں یہ بات بتا چکی ہوں کہ جب اللہ کی طرف سے اجازت ہے اور ہمارے ملکی قانون کے مطابق کسی بھی مرد کو چار شادیاں کرنے کی اجازت ہے تو اس حساب سے اقرار کے پاس تیسری اور چوتھی کی گنجائش باقی ہے۔

ان کا کہنا تھا کہ وہ تیسری اور چوتھی شادی بھی کرسکتے ہیں مجھے کسی قسم کا کوئی اعتراض نہیں ہے۔ بعد ازاں میزبان کا فرح اقرار سے کہنا تھا کہ اقرار بھائی نے مجھ سے یہ سوال کرنے کو کہا تھا تاکہ آپ کا ردعمل وہ خود جان سکیں۔

خیال رہے سید اقرار الحسن کی فرح سے شادی سال 2012 میں ہوئی تھی اور یہ شادی اقرار الحسن نے راز رکھی تھی۔ جبکہ ان کی پہلی شادی ٹی وی اینکر قراۃ العین سے سال 2006 میں ہوئی تھی۔