اس زمانے میں ہنی مون منانے کے لئے لوگ کہاں جاتے تھے؟ صبا فیصل نے 40 برس پرانا اپنی شادی سے جڑا دلچسپ قصہ سنا دیا

"40 سال پہلے ہنی مون گھر میں ہی منایا جاتا تھا۔ ہمارا پورشن اوپر والا تھا تو اوپر چلے جاتے تھے تو ہنی مون تھا اور نیچے آ جاتے تھے تو سسرال تھا۔" صبا فیصل نے ہنستے ہوئے اپنی شادی کے دنوں کی یاد تازہ کی اور سب کو خوشگوار حیرت میں ڈال دیا۔

پاکستانی سینئر اداکارہ صبا فیصل، جو اپنے زبردست کرداروں کے ساتھ ساتھ خاندانی نظام اور سماجی مشوروں کی وجہ سے مشہور ہیں، نے ایک دلچسپ انکشاف کرتے ہوئے بتایا کہ 40 سال قبل ان کا ہنی مون گھر کی حدود میں ہی گزرا۔

صبا فیصل کی ویڈیو، جو انسٹاگرام پر وائرل ہو رہی ہے، میں نادیہ خان کے ساتھ گفتگو کے دوران اس لمحے کو شیئر کیا گیا۔ جب نادیہ نے ان سے پوچھا کہ ان کا ہنی مون کہاں گزرا، تو صبا کا دلچسپ جواب سن کر سب ہنس پڑے۔

انہوں نے مزید کہا کہ ان کے گھر کا اوپری پورشن ان کی نجی دنیا تھا جہاں وہ "ہنی مون" مناتے تھے، اور نیچے آتے ہی وہ "سسرال" میں واپس آ جاتے۔ یہ ان کے پرانے زمانے کی روایات کو ہلکے پھلکے انداز میں بیان کرنے کا ایک خوبصورت لمحہ تھا۔

واضح رہے کہ صبا فیصل نہ صرف اپنے شاندار اداکاری کے کیریئر کی بدولت، بلکہ خاندانی روایات کو نئی نسل کے ساتھ جوڑنے کی کاوشوں کی وجہ سے بھی خوب سراہی جاتی ہیں۔ گزشتہ برس ان کی بہو نیہا کے ساتھ کشیدہ تعلقات خبروں میں رہے، مگر اب دونوں نے اپنے رشتے میں مثبت تبدیلیاں کر لی ہیں۔