66 ہزار روپے کا ایک آم ۔۔اتنا مہنگا کیوں؟ جانیئے دنیا کے مہنگے ترین آم کے بارے میں

گرمی میں آم نہ کھائیں تو اس موسم کا مزہ ہی نہیں نہ رہے، ہر سال صرف اور صرف ایک آم ہی تو ہے جس کو کھانے کے لیے گرمی کا انتظار سب کرتے ہیں ورنہ گرمی کس کو پسند۔ جتنی زیادہ گرمی پڑتی ہے آم اتنا ہی زیادہ اور جلدی پکتا ہے۔ یہی وجہ ہے کہ پورا سال آم دستیاب نہیں ہوتا۔

لیکن اگر آم بھی عوام کی پہنچ سے دور ہو تو کیا فائدہ ۔۔ 1 آم 66 ہزار روپے کا، یہ گمان بھی کوئی نہیں کرسکتا۔ لیکن ایسا آم ہے جو دنیا بھر میں سب سے زیادہ مہنگا ہے۔

مہنگا ترین آم کونسا ہے؟

جاپان میں کاشت کیا جانے والا ہوگوکِن نو تایئو آم دنیا بھر میں مہنگا ترین آم ہے۔ جس کے کے ایک آم کی قیمت 230 ڈالر یعنی 66 ہزار روپے سے زائد پاکستانی رقم ہے۔

اس آم کو جاپان کے کسان ہیرویوکی ناکاگاوا مختلف طریقوں سے کاشت کرتے ہیں۔ موسم سرما کے دوران دسمبرمیں منفی درجہ حرارت پر اس کی فصل کاشت کی جاتی ہے۔

یرویوکی2011 سے سخت سردی والے علاقے میں نایاب آم کی فصل اُگارہے ہیں، جو دنیا کا مہنگا ترین آم بن چکا ہے۔ اس آم کے نام کا مطلب ہے "برف میں سُورج" یعنی اس کو سخت سردی میں کاشت کیا جاتا ہے۔

جاپان میں جس جگہ ان نایاب آموں کی فصل کاشت کی جاتی ہے، اس علاقے میں حد سے زیادہ برٖف پڑتی ہے اور وہاں گرم چشمے بھی پائے جاتے ہیں اور یہ جشمے ہی آم کو موسم سرما کی سخت سردی میں پکا دیتے ہیں جن کا ذائقہ بھی بہت لذیذ ہوتا ہے۔