مسجد کے امام کو مہنگی گاڑی دے دی ۔۔ زندگی بھر مسجد کی خدمت کرنے والے کو جب تحفہ دیا گیا تو امام نے کیا کیا؟ دیکھیے

دنیا بھر میں ہر پیشے کی قدر کی جاتی ہے اور اس سے منسلک افراد کو ایک خاص نگاہ سے دیکھا جاتا ہے۔اسپین میں امام مسجد نے اس وقت سب کی توجہ حاصل کر لی جب انہیں علاقے کے نمازیوں کی جانب سے ایک مہنگی گاڑی بطور تحفہ دی گئی۔

مسجد الرحمہ کے امام اور خطیب شیخ اسامہ ابو گزشتہ کئی سال سے اسی مسجد میں اپنی خدمات سرانجام دے رہے ہیں۔ بنا کسی لالچ اور مفاد کے خدمات جاری رکھے امام کو نمازیوں کی جانب سے بے حد سراہا جاتا تھا۔

اسپین کے شہر لبیدا میں واقع مسجد کے مقامی مسلمانوں کی جانب سے امام کے لیے اس عید الفطر ایک ایسا تحفہ دینے کا فیصلہ کیا گیا تھا جو کہ منفرد بھی ہو اور خود امام کے لیے فائدہ مند بھی۔

پھر کچھ یوں ہوا کہ چھوٹی عید کی نماز کے بعد امام کو مقامی نمازیوں نے ایک بڑی خوش خبری دے دی، جب انہیں مسجد کے باہر لایا گیا اور گاڑی پر چڑھے پردے کو ہٹوایا گیا، تو خود امام بھی جذباتی ہو گئے۔

پہلے تو امام کو سمجھ ہی نہیں آیا اور ہکے بکے رہ گئے لیکن جب انہیں احساس ہوا کہ ان کے مسلمان بھائیوں نے ان کے لیے یہ تحفہ پیش کیا ہے تو ان کی آنکھوں میں آنسو تھے اور لب پر اللہ کا شکر تھا، کہ اس نے آج بھی مسلمانوں کو متحد کیے رکھا ہے۔

ویڈیو میں دیکھا جا سکتا ہے کہ مسلمان کس طرح آپس میں خوشی کا اظہار کر رہے ہیں، اگرچہ گاڑی امام کو دی جا رہی ہے، مگر خوش ہر کوئی ہو رہا ہے، اور امام کی خوشی میں شریک ہو رہے ہیں۔

واضح رہے امام کو کوئی چھوٹی گاڑی نہیں بلکہ آڈی 6 جو کہ مہنگی ترین گاڑی ہے، وہ تحفے میں دی گئی ہے۔ یہ ویڈیو سوشل میڈیا پر کافی وائرل ہے۔