روزہ نیم گرم پانی سے افطار کریں کیونکہ ۔۔۔ جانیں نیم گرم پانی سے روزہ افطار کرنے کے بہترین فوائد

افطار کے وقت دسترخوان پر مختلف رنگوں کے ٹھنڈے مشروب جب تک موجود نہ ہوں، افطار کسی طور مکمل نہیں لگتا، کوئی نہ کوئی کمی ضرور لگتی ہے اور اکثر لوگ تو یہ کمی بازار سے کولڈرنک منگوا کر پوری کرلیتے ہیں، جبکہ انہیں یہ معلوم ہی نہیں کہ اس کے ان کی صحت پر کس قدر منفی اثرات مرتب ہوتے ہیں۔

کے-فوڈز میں آپ کی صحت کا ہر طرح سے خیال رکھا جاتا ہے اور آپ کو ذائقوں کے ساتھ صحت سے متعلق مشورے ہم دیتے ہیں تاکہ کھانوں کی اصل غذائیت سے متعلق آپ بھی بآسانی جان سکیں۔

آج یہاں ہم آپ کو بتا رہے ہیں کہ روزہ نیم گرم پانی سے افطار کرنے کے چند ایسے فائدے جو ماہرین کے مطابق انسانی سحت کے لئے کارآمد ہیں۔

نیم گرم پانی سے افطار کرنے کے فوائد:

٭ روزے کو نیم گرم پانی سے افطار کرنے کا سب سے بڑا فائدہ یہ ہے کہ اس سے ہرگز آپ کا پیٹ نہیں پھولے گا اور نہ سانس لینے میں تکلیف ہوگی جو کہ عموماً لوگوں کو افطار کے بعد ہو جاتی ہے۔

٭ ماہرین کہتے ہیں کہ:
'' گرم پانی دل کی شریانوں اور جسم میں موجود خون کی شریانوں کی بلاکیج کو ختم کرتا ہے جس سے دوران خون بھی بہتر ہوتا ہے اور بلڈ پریشر بھی کنٹرول میں رہتا ہے۔''

٭ اس سے وزن کنٹرول کرنے اور اضافی فیٹ بڑھنے سے روکنے میں بھی مدد ملتی ہے۔

٭ گرم پانی سے روزہ افطار کرنے سے ذہنی و جسمانی مسلز کے تناؤ یا کھچاؤ میں کمی آتی ہے، جس سے روزے کے بعد تھکان کا احساس نہیں ہوتا ہے۔

٭ رمضان میں آئلی آئٹم زیادہ کھانے سے اکثر لوگوں کو ایکنی کے مسائل ہو جاتے ہیں، جس سے بچنا چاہتے ہیں تو نیم گرم پانی سے افطار کرنا معمول بنالیں۔ یہ آپ کی جلد کی خوبصورتی کو بھی بحال کرتا ہے اور جسم کو ڈی ہائیڈریٹ کرنے میں بھی مددگار ثابت ہوتا ہے۔