کیا آپ کو بھی افطار کے بعد تیزابیت ہو جاتی ہے؟ جانیں اس کو ختم کرنے کے 5 گھریلو نسخے

افطاری کا دسترخوان سجا ہوا ہو، کھانے پینے کی ہر چیز موجود ہو تو بس روزہ کھلنے کی دیر ہے، اور پھر جلدی جلدی من پسند تمام چیزیں سروو کریں اور مزے سے کھائیں، یہ سب ہی کرتے ہیں، مگر کچھ لوگ افطار کے بعد تیزابیت اور کھٹی ڈکاروں کی وجہ سے پریشان ہو جاتے ہیں اور سوچ میں پڑ جاتے ہیں کہ ہم نے آخر اتنا کھایا ہی کیوں کہ اب تکلیف اٹھانی پڑ رہی ہے؟
آج کے-فوڈز میں جانیئے کہ کیسے آپ افطار کے بعد ہونے والی تیزابیت اور بدہضمی سے اپنی جان چھڑا سکتے ہیں۔

گھریلو نسخے:

٭ افطار کے بعد ایک گلاس ٹھنڈے پانی کے ساتھ ایک چمچ سونف چبا کر کھائیں، یہ اچھی ریفریشمنٹ ہے اس سے آپ کا گلا جلے گا نہیں اور تیزابیت بھی نہیں ہوگی۔

٭ آدھا چمچ گُڑ کھانے سے سارا کھانا پینا بآسانی ہضم ہو جائے گا اور آپ کو جلدی ہی ریلیف ملے گا۔

٭ معدے کی تیزابیت کم کرنے کے لیے ایک ٹکڑا ادرک چبالیں یا ابلتے ہوئے پانی میں تھوڑی سی ادرک شامل کرکے قہوہ تیار کریں اور پی لیں، یہ بھی اچھا ٹانک ہے۔

٭ افطار کے بعد چائے تو پیتے ہوں گے، اس میں دارچینی شامل کرلیں یہ جلن کو روکتی ہے اور سینے کو خراب ہونے سے بچاتی ہے۔

٭ ایک چمچ پسی ہوئی الائچی اور لونگ کے پاؤڈر کو نیم گرم پانی میں مکس کریں اور پی لیں۔

٭ اجوائن کو نیم گرم پانی سے پھانک لیں، یہ جلدی ہاضمہ کرنے میں مفید ہوتی ہے۔