چھوٹا سا لونگ بڑے کام دکھائے ۔۔ ہر گھر میں موجود لونگ کے حیرت زنگیز فوائد جو آپ کی بہت سی بڑی پریشانی دور کردے

لونگ دکھنے میں تو چھوٹی ہوتی ہے مگر اس سے حاصل ہونے والے فائدے بہت بڑے ہوتے ہیں۔ یہ گرم مصالحہ پکوانوں میں استعمال ہوتا ہے جو کھانے کی رونق بڑھا دیتا ہے۔

اس کے علاوہ لونگ کو نزلہ، زکام کو روکنے کے لیے بھی مفید سمجھا جاتا ہے۔ آج ہم آپ کو لونگ کے مزید فائدوں کے بارے میں بتانے جا رہے ہیں جن کو اپنانے سے آپ بڑی پریشانیوں سے بچ سکتے ہیں۔

لونگ میں طاقتور اینٹی آکسیڈنٹ اور سوزش کش خصوصیات پائی جاتی ہیں جو آپ کے جسم کو طاقتور غذائی اجزاء فراہم کرتی ہیں یہ مختلف انفیکشن سے بچا سکتی ہے۔ جوڑوں کا درد ہو، متلی کا احساس ہو۔ اپھارہ یا دانتوں کا درد چھوٹا سا لونگ بڑے کام کر دکھاتا ہے۔

لونگ کے تیل بہت فائدے ہیں، اس کا تیل بد ہضمی اور قے کی صورت میں پینے سے افاقہ ہوتا ہے، لونگ کا تیل تھوڑے سے شہد اور لہسن کے ساتھ ملا کر کھانے سے کھانسی سے چھٹکارا حاصل ہوجاتا ہے۔

یہ حیرت انگیز مصالحہ کولیسٹرول، بلڈ شوگر کی سطح کو متوازن رکھنے، ہڈیوں کو مضبوط کرنے اور دل کی بیماری اور کینسر کے خطرات کو کم کرنے کے لیے بہت سے فوائد رکھتا ہے۔ بہت سے لوگوں کو یہ بات معلوم ہی نہ ہوگی کہ صرف ایک لونگ چبانا آپ کی صحت کے لیے گیم چینجر ثابت ہو سکتا ہے۔

لونگ کا استعمال آپ کے جگر کو صاف کرتا، مضبوط بناتا اور جسم سے زہریلے مادوں کے اخراج میں آسانی پیدا کرتی ہے۔ خواتین کو شوگر بڑھنے سے وزن بڑھنے کی شکایت مردوں کے مقابلے زیادہ ہے اور لونگ کو کھانے سے شوگر کنٹرول رہتی ہے۔

صبح سویرے ایک لونگ چبانے سے تھوک کی پیداوار میں اضافہ ہوتا ہے جس سے ہاضمے میں مدد ملتی ہے۔