کپڑوں پر لگا خون حمیرا کا نہیں تو کس کا ہے؟ حمیرا اصغر کی نئی میڈیکل رپورٹ نے تہلکہ مچا دیا

Humaira Asghar Case New Medical Report

اداکارہ و ماڈل حمیرہ اصغر، جنہوں نے پاکستانی شوبز انڈسٹری میں اپنی الگ پہچان بنائی، اُن کی لاش 8 جولائی 2025 کو کراچی کے ایک فلیٹ سے برآمد ہوئی۔ لیکن چونکا دینے والی بات یہ تھی کہ ماہرین کے مطابق اُن کا انتقال نو ماہ قبل ہو چکا تھا۔

پولیس نے فلیٹ کو سیل کر کے موبائل فونز، لیپ ٹاپ اور دیگر ذاتی اشیاء کو قبضے میں لے لیا۔ شواہد کی بنیاد پر تحقیقات کا آغاز ہوا، اور عدالت نے واقعے کا نوٹس لیتے ہوئے ایف آئی آر درج کرنے اور لواحقین کے بیانات ریکارڈ کرنے کا حکم جاری کر دیا۔

اب تازہ میڈیکو لیگل رپورٹ نے معاملے کو مزید پیچیدہ کر دیا ہے۔ رپورٹ کے مطابق حمیرا کی قمیض پر پائے گئے خون کے دھبے اُن کے ڈی این اے سے میچ نہیں ہوتے یعنی وہ خون کسی اور کا ہے۔ مزید افسوسناک حقیقت یہ سامنے آئی ہے کہ لاش مکمل طور پر گل سڑ چکی تھی، اور صرف ہڈیاں برآمد ہوئیں، جس کی وجہ سے موت کی اصل وجہ معلوم کرنا ممکن نہ رہا۔

سوشل میڈیا پر مداح شدید رنج و غم میں مبتلا ہیں۔ کوئی اُن کے لیے مغفرت کی دعائیں کر رہا ہے، تو کوئی نظامِ عدل پر سوال اٹھا رہا ہے۔ صارفین کا کہنا ہے کہ انصاف میں تاخیر دراصل انصاف سے انکار ہے، اور حمیرا کو انصاف دلانا ریاست کی ذمہ داری ہے۔

کیا حمیرا کی روح کو انصاف ملے گا؟ یا یہ کیس بھی دیگر گمشدہ فائلوں میں دفن ہو جائے گا؟ سچ کب سامنے آئے گا؟ عوام جواب چاہتے ہیں۔