شادی پرانی ہوگئی مگر ششکے ختم نہیں ہو رہے۔۔ معاذ صفدر کا بیوی کے لیئے لاکھوں کا گلدستہ! ویڈیو پر صارفین کی شدید تنقید

Maaz Safder Gifted A Huge Bouquet To His Wife

پاکستانی یوٹیوبر معاذ صفدر ایک بار پھر سوشل میڈیا پر تنقید کی زد میں ہیں— اور اس بار وجہ ہے ان کا اہلیہ کے لیئے تحفہ؟

اپنی اہلیہ صبا معاذ کی سالگرہ پر معاذ نے جو تحفہ دیا، اُس نے سوشل میڈیا پر ایک نئی بحث چھیڑ دی ہے۔ انہوں نے 3 سے 4 لاکھ روپے کا دیو ہیکل پھولوں کا گلدستہ ایک بڑے ٹرک کے ذریعے پہنچایا، جسے دیکھ کر صبا حیران بھی ہوئیں اور خوش بھی۔ ویڈیو میں معاذ اپنی اہلیہ کو سرپرائز دیتے نظر آتے ہیں، چہرے پر فخر نمایاں ہے، مگر آن لائن دنیا میں کہانی کچھ اور ہے۔

جہاں کچھ صارفین نے اسے "محبت کا خوبصورت اظہار" قرار دیا، وہیں بڑی تعداد میں لوگ اسے محض دکھاوا اور فضول خرچی کہتے نہیں تھک رہے۔

ایک صارف نے لکھا، "یہ گلدستہ بیوی کے لیے نہیں، انسٹاگرام کے لیے ہے۔"

کسی نے طنزیہ انداز میں مشورہ دیا، "اتنے پیسے غزہ بھی بھیج دیتے تو بہتر تھا۔"

جبکہ ایک اور تبصرہ کچھ یوں تھا، "یہ پھول نہیں، نوجوانوں کو دھوکہ دینے والا خواب ہے۔"

بہت سے لوگ اس بات پر بھی نالاں دکھائی دیے کہ مشہور شخصیات کا اس طرح کا "اوور دا ٹاپ" رومانس ایک غیر حقیقی معیار قائم کرتا ہے، خاص طور پر اُن نوجوانوں میں جو انہیں فالو کرتے ہیں۔

سوال یہ ہے، کیا تحفے میں خلوص اہم ہے یا اُس کی قیمت؟ اور کیا سوشل میڈیا پر سب کچھ دکھانا واقعی ضروری ہے؟

محبت کا اظہار خوبصورت ہے، لیکن جب یہ اظہار لاکھوں کے پھولوں میں لپٹ جائے تو سادگی کہیں پیچھے رہ جاتی ہے۔