دلیہ آپ کا وزن کیسے کم کرسکتا ہے؟ جان کر حیران رہ جائیں گے

دلیہ کا شمار سب سے صحت بخش غذاؤں میں کیا جاتا ہے اور اس کے کئی ایسے فوائد ہے جن سے لوگوں ایک بڑی اکثریت ناواقف ہوتی ہے-دلیہ میں پروٹین، فائبر اور وٹامن بی کی بھاری مقدار پائی جاتی ہے اور یہ تنیوں اجزاﺀ وزن کی کمی کے حوالے سے اہم کردار ادا کرتے ہیں- سبزیوں کے ساتھ دلیہ سے بھرا پیالہ کھانا آپ کے اضافی وزن کو کم کرسکتا ہے-

انتہائی کم کیلوریز
دلیہ ایک ایسی صحت بخش غذا ہے جس میں بہت کم کیلوریز پائی جاتی ہیں- ناشتہ میں کھائے جانے والی دیگر غذاؤں کے مقابلے میں دلیہ میں بہت کم کیلوریز ہوتی ہے-

فائبر کی بھاری مقدار
فائبر پر مشتمل غذائیں کھانے سے آپ کو اپنا پیٹ دیر تک بھرا ہوا محسوس ہوتا ہے اور اسی وجہ سے آپ بار بار کھانے سے محفوظ رہتے ہیں- 100 گرام دلیہ میں 18 گرام فائبر پایا جاتا ہے جو کہ آپ کے نظامِ ہضم کے لیے مددگار ثابت ہوتا ہے- ناشتے میں درمیانے سائز کا پیالہ بھر کے دلیہ کھانا آپ کو دوپہر کے کھانے تک بھوک نہیں لگنے دیتا-

ذیابیطیس کے مریض
دلیہ میں چونکہ گلوکوز کی مقدار انتہائی کم پائی جاتی ہے اس لیے یہ شوگر کے شکار مریضوں کے لیے ایک بہترین غذا ہے- بلڈ شوگر کی سطح متوازن رہنے کے باعث وزن میں بھی کمی واقع ہوتی ہے-

پروٹین کی بھاری مقدار
دلیہ پروٹین حاصل کرنے کا ایک بہترین ذریعہ ہے- پروٹین نہ صرف میٹابولزم کی کارکردگی کو بہتر بناتا ہے بلکہ وزن کو منظم رکھنے والے ہارمونز کو بھی متحرک رکھتا ہے-

قبض سے بچاؤ
دلیہ قبض سے بچاؤ کے حوالے سے بھی مددگار ثابت ہوتا ہے- نظامِ ہضم بہتر ہونے کی وجہ سے آپ قبض کے مرض سے محفوظ رہتے ہیں اور قبض خود اپنے ساتھ کئی بیماریاں لاتا ہے لیکن دلیہ ان سب سے آپ کو محفوظ رکھتا ہے-

جسم میں سوزش
دلیہ جسم میں سوزش کو پیدا ہونے سے روکتا ہے اور ساتھ ہی آپ کی جلد کو صحت مند بھی رکھتا ہے- دودھ کے ساتھ دلیہ استعمال کرنے سے آپ متعدد دائمی امراض سے بھی محفوظ رہتے ہیں-

By Aqib Shahzad    |    In Health and Fitness   |    0 Comments    |    2683 Views    |    11 Aug 2020

Comments/Ask Question

Read Blog about دلیہ آپ کا وزن کیسے کم کرسکتا ہے؟ جان کر حیران رہ جائیں گے and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (دلیہ آپ کا وزن کیسے کم کرسکتا ہے؟ جان کر حیران رہ جائیں گے) and how to utilize other natural ingredients to cure diseases, easy recipes, and other information related to food from KFoods.