شوگر ہے لیکن بالکل فٹ ہوں۔۔ لمبے عرصے سے ذیابیطس کا شکار وسیم اکرم نے پہلی بار اپنی فٹنس کے راز کھول دیے

“میری کوشش ہوتی ہے کہ روزانہ صبح ٧ کلو میٹر واک کروں اس کے بعد میں ایک براؤن بریڈ اور انڈے کی سفیدی اور ساتھ کچھ سلاد کا ناشتہ کرتا ہوں۔ جوس نہیں پیتا کیونکہ اس میں بہت زیادہ چینی ہوتی ہے“

یہ کہنا ہے پاکستان کرکٹ کی دنیا کے لیجنڈ وسیم اکرم کا جو آج بھی اپنی فٹنیس کا خاص خیال رکھتے ہیں۔ ذیابیطس کی وجہ سے وسیم اکرم کو اپنی صحت کا زیادہ خیال رکھنا پڑتا ہے۔ اس حوالے سے جاوید چوہدری کے شو میں وسیم نے اپنے لائف اسٹائل سے متعلق کچھ باتیں بیان کیں جو ہم یہاں اپنے قارئین کے لئے شئیر کررہے ہیں۔

دوپہر کے کھانے کے متعلق وسیم اکرم کا کہنا تھا کہ وہ شوارما بنانے جارہے ہیں اور کبھی کبھی ان کا دل ڈائیٹ کوک پینے کا کرتا ہے اس لئے وہ آدھا گلاس ڈائیٹ کوک پئیں گے۔ جبکہ رات کے کھانے میں وہ مچھلی کھانا پسند کرتے ہیں۔ اس کے علاوہ وسیم اکرم مختلف جسم کے مخصوص حصوں کی ورزش کرتے ہیں تاکہ پورا جسم حرکت میں رہے۔

وسیم اکرم نے بتایا کہ ان کی کوشش ہوتی ہے کہ وہ زیادہ سے زیادہ دھوپ لیں کیونکہ جسم کو وٹامن ڈی کی ضرورت ہوتی ہے۔ اس کے علاوہ انھوں نے بتایا کہ وہ انسولین لگاتے ہیں جبکہ سفر کی وجہ سے ان کا ایچ بی اے ون سی کا رزلٹ اکثر زیادہ ہی آتا ہے لیکن وہ خود کو صحت مند اور فٹ سمجھتے ہیں۔