اب گیس کا سلینڈر چلے 1 کے بجائے 2 مہینے.. جانیں خالی تیل کے ڈبے سے گیس بچانے کی آزمودہ ٹپس

سردی میں بار بار چائے بنتی ہے تو کبھی انڈے وغیرہ ابالے جاتے ہیں. اس طرح گیس کے سلینڈر کا خرچہ ڈبل ہوجاتا ہے. آج کے اس آرٹیکل میں ہم آپ کو کچھ ایسے ٹپس دیں گے جس سے آپ ایک گیس کا سلینڈر 3 گنا زیادہ عرصے تک استعمال کرسکتے ہیں. تو چلیے دیر کس بات کی.

دالیں پکانے کے لئے ہمیشہ پریشر ککر کا استعمال کریں کیونکہ اس میں کھانا جلدی پکتا ہے اور گیس کی بچت ہوتی ہے. دال کے علاوہ سبزی بھی ککر میں پکائی جاسکتی ہے.

پیاز لال کرتے ہوئے چٹکی بھر نمک ڈال دیں تو پیاز جلدی لال ہوتی ہے. ایک ساتھ زیادہ پیاز کاٹ کر لال کر کے ائیر ٹائٹ جار میں محفوظ کر لیں. اس سے وقت کے ساتھ گیس کی بھی بچت ہوگی.

کوئی بھی میں چیز پکاتے ہوئے دیگچی کا ڈھکن ضرور لگائیں تاکہ کھانا جلدی پکے اور اضافی گیس خرچ نہ ہو.

کم کھانا پکانا ہے تو چھوٹے برتن کا استعمال کریں کیونکہ بڑا برتن گرم ہونے میں زیادہ وقت لیتا ہے جس سے گیس زیادہ خرچ ہوتی ہے.

چولہا بہت تیز نہ رکھیں کیونکہ کناروں سے بڑھی ہوئی آنچ کسی کام کی نہیں ہوتی اس سے صرف گیس کا زیاں ہوتا ہے.

روٹیاں پکاتے ہوئے بار بار پیڑے بنانے اور بیلنے میں وقت صرف ہوتا ہے جس سے گیس ضائع ہوتی ہے. روٹیاں بنانے سے پہلے ہی پیڑا بنا کر روٹی بیل کر رکھ لیں اور باری باری صرف سینکنے کا کام کریں تو گیس کی بہت بچت ہوتی ہے.

دن میں ایک ہی وقت میں دوپہراور شام کی روٹی بنا لیں اور ہاٹ پاٹ میں رکھ لیں. کھانا لگاتے ہوئے پکتے سالن کی دیگچی کے اوپر رکھ دیں یا مائیکرو ویو میں روٹی گرم کرلیں.

گھی یا تیل کا ٹین کا ڈبہ بہت کام کی چیز ہے. اسے گرم کر کے سارا گھی یا تیل نکال لیا اور تیز چھری گرم کر کے اوپر کا حصہ کاٹ لیں اور ڈبے کے اوپر دونوں جانب سوراخ کر کے کوئی اسٹیل کا تار ہینڈل وغیرہ لگا دیں. یہ ڈونگا پانی گرم کرنے کے لیے بہترین ہے کیونکہ اس کے نیچے کا حصہ عام ڈونگوں کی نسبت پتلا ہوتا ہے. پانی جلدی گرم ہوتا ہے اور گیس بھی بچ جاتی ہے. اس ڈونگے کو آلو اور انڈے ابالنے کے لیے بھی استعمال کیا جاسکتا ہے.

آلو ابالنا ہو تو پہلے اسے کاٹ کر دو ٹکڑے کر لیں اس کے بعد ابالیں اس طرح آلو کم وقت میں گل جاتا ہے.

فریج سے نکال کر کوئی بھی چیز فوراً چولہے پر نہ رکھیں بلکہ 10، 15 پندرہ منٹ باہر رکھ کر نارمل ٹمپریچر پر آنے دیں تاکہ چیز آسانی سے گرم ہو جائے اور گیس زیادہ خرچ نہ ہو.