کولیسٹرول بڑھنا معمولی بات نہیں.. خطرناک بیماریوں کی جڑ کولیسٹرول کو کم کرنے کے گھریلو طریقے

جسم میں کولیسٹرول کی زیادتی کئی بیماریوں کی جڑ ہونے کے ساتھ بذات خود بھی ایک بیماری ہے. کم کثافتی لیپو پروٹین کی سطح جسے کولیسٹرول کی خطرناک حد کہا جاتا ہے اس کا تناسب اس وقت بڑھتا ہے جب پروٹین، لحمیات اور کاربوہائیڈریٹ جسم کو بھرپور مقدار میں نہیں ملتے. اس کے بعد کولیسٹرول بڑھنے کا عمل شروع ہوتا ہے اور اس کی عام وجہ باہر کا کھانا ہے. اس آرٹیکل میں ہم کچھ سادہ ٹوٹکوں اور غذاؤں سے آپ کو کولیسٹرول کم کرنے کے طریقے بتائیں گے.

چٹکی بھر ہلدی کا دودھ کے سارھ استعمال جسم میں کولیسٹرول کی سطح کو کم کرتا ہے اور چربی چڑھنے سے بچاتا ہے.

لہسن میں ایلیسن اور سلفر پایا جاتا ہے جو اینٹی کولیسٹرول ہے. جسم میں کولیسٹرول کی سطح میں اضافہ ہوتے ہی لہسن جسم کے خلیات کو طاقتور بنادیتا ہے جس سے کولیسٹرول کے بڑھنے کی جگہ نہیں بچتی۔ لہسن کو نہار منہ چبا کے کھانا مفید ہے.

گرین ٹی کولیسٹرول کم کرنے کے لیے فائدہ مند ہے یہ آنتوں کو بھی سکون دیتی ہے اور پہلے سے موجود اضافی کولیسٹرول کو جسم سے خارج کرنے میں آسانی ہوتی ہے۔

السی کے بیجوں میں اومیگا تھری فیٹی ایسڈ موجود ہوتا ہے جس کو گرم پانی سے نگلنا بھی کولیسٹرول کم کرتا ہے

دھنیے میں فولک ایسڈ، وٹامن اے، سی، کے اور بیٹا کیروٹن موجود ہوتا ہے جس سے جسم میں اضافی چربی، کولیسٹرول اور ایل ڈی ایل بڑھنے کا خطرہ کم ہوتا ہے . رات کو سونے سے ایک گھنٹہ پہلے گرم پانی کے ساتھ استعمال کرنا مفید ہے.