پیاری ماں، شاید یہ میرا آخری سلام ہو! پاک فوج کے جوان کا خط، جو پوری قوم کی آنکھیں نم کر گیا

Pak Fauj Ke Jawan Ka Apni Maa Ko Akhri Khat Viral

سوشل میڈیا پر ایک تصویر نے سب کے دل دہلا دیے — ایک جوان سپاہی، وردی میں ملبوس، اپنی ماں کو الوداع کہہ رہا ہے۔ یہ کوئی فلمی سین نہیں، یہ علی کا حقیقت پر مبنی خط ہے — وہی علی جو بھارتی جنگی جنون کے سامنے سیسہ پلائی دیوار بنا کھڑا ہے، جو اپنی ماں سے زیادہ اپنے وطن کو ماں مانتا ہے۔

علی نے اپنے خط میں لکھا، "پاکستان زندہ باد، میری پیاری ماں، میں علی، آپ کا بیٹا۔ مجھے پتہ ہے آپ مجھ سے کتنی محبت کرتی ہیں، اور مجھے یہ بھی معلوم ہے کہ آپ کو اس سرزمین سے کتنی چاہت ہے۔ اگر یہ میرا آخری پیغام بن جائے، تو جان لیں کہ میں آپ کی دعاؤں کے سائے میں، اپنے وطن کے لیے جان دے رہا ہوں۔"

یہ صرف الفاظ نہیں تھے، یہ ایک ماں کے دل پر کھنچی لکیر تھی۔

مزید لکھا، "ماں! مجھے یاد ہے جب میں نے فوج میں شمولیت اختیار کی، آپ کی آنکھوں میں فخر اور خوف دونوں تھے۔ آج، جب میں دشمن کے سامنے ہوں، وہی فخر میرے دل میں ہے۔ اگر زندگی نے مہلت نہ دی، تو اگلی دنیا میں ملاقات ہو گی۔ آپ کا بیٹا، ہمیشہ کے لیے۔"

یہ خط 7 مئی کو لکھا گیا — ایک ایسا دن جب دشمن کی گھن گرج کے مقابل، علی جیسے سپوت خاموشی سے اپنے جذبے کا ثبوت دے رہے تھے۔

یہ کہانی صرف علی کی نہیں، یہ ہر اس سپاہی کی ہے جس کی رگوں میں خون نہیں، حب الوطنی دوڑتی ہے۔

یہ ہر اس ماں کی کہانی ہے جو بیٹے کو شہادت کی دعائیں دے کر رخصت کرتی ہے۔