اب ڈائٹنگ کے ساتھ ہوٹلنگ بھی ممکن ہے۔۔ جانئے کیسے آپ باہر کھانا کھا کر بھی صحت برقرار رکھ سکتے ہیں؟

زمانہ تبدیل ہورہا ہے ، ساتھ ہی لوگوں کے کھانے پینے کی عادتیں بھی بدل رہی ہیں ۔اب زیادہ تر لوگ کھانے کا انتخاب کرتے وقت صحت سے زیادہ ذائقے اور چٹخارے پر توجہ دیتے ہیں اور یہ ہماری خرابی صحت کی ایک بڑی وجہ ہے ۔ بس ایک کال کرو یا گھر سے باہر نکلو ،سامنے یا کہیں قریب ہی کوئی خوبصورت اور اے سی کی ٹھنڈ ک والے ریستوران نظر آجائے گا ۔ اِدھر آرڈر دیا اور اُدھر آپ کا من پسند کھانا حاضر ۔ ہم اس بات سے غافل رہتے ہیں کہ یہ جنک فوڈ دراصل ہماری صحت کو کتنا نقصان پہنچا رہے ہیں۔کیونکہ اس میں ضرورت سے زائد کاربوہائیڈریٹس، چربی ، نمک اور شکر شامل ہوتی ہے ، جو ہمیں بیمار کرتی ہے ۔ اس لیے ضروری ہے کہ باہر کھانا کھاتے ہوئے ایسی چیزوں کا انتخاب کریں جو وزن بھی نہ بڑھائیں اور آپ کا ہوٹلنگ کا شوق بھی پورا ہوجائے۔

ہوٹلنگ اور ڈائٹنگ ساتھ ساتھ !

پانی آرڈر کریں:

ایک گلاس پانی آرڈر کریں بیٹھنے کے بعد اور مینو دیکھنے سے پہلے ایک گلاس پانی آرڈر کریں اور پئیں۔ کیونکہ اگر آپ کو تیز بھوک لگی ہے تو پانی سے کچھ دیر کے لیے آپ کو راحت ملے گی۔ اس کا دوسرا فائدہ یہ ہوگا کہ پانی پینے سے آپ خود کو ہائی کیلوریز والے مشروبات آرڈر کرنے سے روک پائیں گے۔ کیونکہ پیاس کی حالت میں آپ کچھ بھی آرڈر کرسکتے ہیں۔

سبزی آرڈر کریں:

سبزیاں کھانے سے آپ کا پیٹ تو بھرے گا ہی ساتھ ہی آپ کے ڈائٹ پلان پر بھی اس کا کوئی اثر نہیں ہوگا۔اور آپ الٹی سیدھی چیزیں کھانے سے بھی بچ جائیں گے۔ آپ چاہیں تو سبزیوں کی مختلف اقسام کی ڈشیں بھی آزما سکتے ہیں۔ اس سے ذائقہ بھی بدلے گا۔اور جسم کو اس کا فائدہ بھی ہوگا۔

بار بی کیو کھائیں:

اگر ڈائٹنگ کے دوران ہری سبزیوں کے سہارے رہنا آپ کے لئے مشکل ہو رہا ہے،تو آپ چکن بھی ٹرائی کر سکتے ہیں۔آپ لیموں اور کالی مرچ کے ساتھ گرل چکن ٹرائی کرسکتے ہیں۔ یا بار بی کیو ڈشز ٹرائی کریں۔

بیکڈ آلو:

اگر آپ کو لگتا ہے کہ ڈائٹنگ کے دوران آلو آپ کا سب سے بڑا دشمن ہے، تو آپ کودوبارہ سوچنا چاہئے۔ دراصل، بیکڈ آلو آپ کے لئے اچھا انتخاب ہو سکتے ہیں۔ آپ انہیں ذرا سے نمک کے ساتھ لے سکتے ہیں۔ بیکڈ آلو میں کیلوری کم ہوتی ہیں جبکہ وٹامن سی اور پوٹاشیم کی بھرپور مقدار ہوتی ہے۔

By Afshan    |    In Health and Fitness   |    0 Comments    |    709 Views    |    06 Mar 2022

Related Articles

Comments/Ask Question

Read Blog about اب ڈائٹنگ کے ساتھ ہوٹلنگ بھی ممکن ہے۔۔ جانئے کیسے آپ باہر کھانا کھا کر بھی صحت برقرار رکھ سکتے ہیں؟ and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (اب ڈائٹنگ کے ساتھ ہوٹلنگ بھی ممکن ہے۔۔ جانئے کیسے آپ باہر کھانا کھا کر بھی صحت برقرار رکھ سکتے ہیں؟) and how to utilize other natural ingredients to cure diseases, easy recipes, and other information related to food from KFoods.