پیاز سے بنائیں کھانسی کا سیرپ جو دے کھانسی سے نجات اور گلے کی خراش میں آرام

موسم تبدیل ہو رہا ہے گرمی کا اختتام اور سردی کا آغاز ہونے کو ہے ایسے میں ٹھنڈ لگنا، کھانسی، نزلہ، زکام، گلا خراب بچوں سے بڑوں تک ہر کسی کا ہو جاتا ہے جوکہ بہت عام سی بات ہے۔ اور کھانسی اگر کسی کو ہو جائے تو وہ فوراً نہیں جاتی بلکہ کئی ہفتوں بعد ہی جا رہی ہوتی ہے۔ یوں ہم کھانسی کو ختم کرنے کے لیے کئی قسم کے کڑوے اور میٹھے شربت استعمال کرلیتے ہیں لیکن کھانسی ختم ہونے کا نام نہیں لیتی۔
آج ہم آپ کو کھانسی کا علاج کچن میں استعمال ہونے والے ان دو اجزاء سے بتائیں گے جو کہ آپ جو نہ صرف جلد فائدہ دیں گے بلکہ سردی کے دیگر اثرات سے جسم کو محفوظ کرنے میں بھی کارآمد ہوگا۔

ٹپ:
ایک پیاز کو باریک کاٹ لیں اور اس کو ایک بھگونے میں ڈالیں اور ہلکی آنچ پر پکائیں۔
اس کے ساتھ ہی اس میں اتنا شہد ڈالیں کہ پیاز بھگونے میں نیچے بیٹھ جائے۔
اب اس کو بیس منٹ تک پکائیں۔
اب اس مکسچر میں سے پیاز کو چھان کر الگ کرلیں۔
اور شہد کو کسی شیشے کے جار میں ڈال کر محفوظ کرلیں۔
لیجیئے پیاز اور شہد کا زبردست سا کھانسی سیرپ اب گھر ہی میں تیار ہے جب بھی کھانسی ہو آدھا چمچ لے لیں۔

پیاز سے کیا ہوگا؟
پیاز چونکہ اینٹی آکسیڈنٹ اور اینٹی انفلامیٹری ہے یہ اپنے تیز خواص کی بدولت آپ کو کھانسی اور گلے کی خراش کو کنٹرول کرنے میں مکمل مدد فراہم کرے گی۔