کوئی مجھے بتا دے یہ آنٹی کون ہے ۔۔ آئمہ بیگ کا سارہ رضا خان پر جارحانہ وار، کیا کچھ کہہ ڈالا؟

سارہ رضا خان جو کہ ایک باصلاحیت پلے بیک سنگر ہیں نے حال ہی میں ایک پوڈ کاسٹ میں کہا تھا کہ، آئمہ گلوکارہ نہیں بلکہ ایک انٹرٹینر ہیں جو آٹو ٹیون کی مدد سے گاتی ہیں۔

ان کا یہ بیان سوشل میڈیا پر وائرل ہوگیا۔ جس پر کچھ لوگوں نے سارہ کی بات کو درست کہا تو وہیں آئمہ بیگ کی دوست اور ساتھی مومنہ مستحسن کو یہ بات بری لگی۔

اور اب آئمہ بیگ نے بھی سارہ رضا کے بیان پر ردعمل دے دیا ہے۔

انہوں نے اپنی ایک لائیو پرفارمنس شیئر کی اور سوال پوچھا، "مجھے بتائیں، میں اس لائیو میں آٹو ٹیون کہاں استعمال کر رہی ہوں"۔

یہی نہیں آئمہ بیگ نے سارہ رضا کو جارحانہ انداز میں ’آنٹی‘ بھی کہہ دیا۔

انہوں نے لکھا، "اللّٰہ نے جس کو جتنا ٹیلنٹ دیا ہے بھئی ہم کو قبول ہے۔ باقی کوئی مجھے بتا دے کہ یہ آنٹی کون ہے؟"

سوشل میڈیا صارفین سارہ رضا کے بیان پر آئمہ کے غیر مہذب ردعمل سے خوش نہیں ہیں، جہاں انہوں نے سارہ رضا کو "آنٹی" کہا ہے۔ بہت سے لوگوں کا خیال ہے کہ سارہ رضا ایک شاندار پلے بیک اور کلاسیکل گلوکارہ ہیں اور انہیں آئمہ بیگ کی گلوکاری کی مہارت کے بارے میں اپنی رائے کا اظہار کرنے کا حق حاصل ہے۔