اب بازار کے کیمیکل والے شیمپو کو بھول جائیں اور گھر پر بنائیں قدرتی اجزاء سے تیار ہربل شیمپو، جو بالوں کو کرے لمبا، گھنا اور مضبوط

بالوں کو اچھا اور خوبصورت بنانے کیلیئے ہم ہزاروں روپے کیمیکل والی چیزوں پر خرچ کردیتے ہیں، لیکن نتیجہ ہمیشہ ہماری توقعات کے مطابق نہیں نکلتا۔ تو کیوں نہ قدرتی چیزوں کی طرف آیا جائے؟ تو چلیں آج ہم آپ کو بنانا سکھاتے ہیں گھر میں قدرتی اجزاء سے تیار کردہ شیمپو۔

شیمپو بنانے کیلیئے درکار اجزاء:

۔ آملہ ½ پاؤ

۔ سکا کائی ½ پاؤ

۔ ریٹھا 1 پاؤ

۔ بال جڑ بوٹی 50 گرام

شیمپو بنانے کیلیئے درکار اجزاء:

۔ ان تمام چیزوں کو ایک بڑے پیالے میں ڈال کر اس میں 2 لیٹر پانی شامل کریں اور رات بھر کیلیئے ڈھک کر رکھ دیں۔

۔ اگلے دن اسے ایک بڑی دیگچی میں منتقل کر کے چولہے پر رکھیں اور مزید 2 لیٹر پانی ڈال کر اتنا پکائیں کہ 4 لیٹر پانی 2 لیٹر رہ جائے، تب چولہا بند کردیں۔

۔ جب یہ ٹھنڈا ہوجائے تو اسے ہاتھوں سے اچھی طرح مسل کر آملے اور ریٹھے کے بیج نکال دیں اور باقی مسکچر کو بلینڈ کریں (ہاتھ کی مشین سے کریں تو زیادہ اچھا ہے)۔

۔ اب اسے ململ کے کپڑے یا چھلنی سے چھان لیں اور بچے ہوئے گودے میں مزید پانی ڈال کر اسکا رس بھی اچھے سے نچوڑ لیں تا کہ کچھ بھی ضائع نہ ہو۔

۔ لیجیئے آپ کا شیمپو تیار ہے! اسے کسی بوتل میں بھر کر رکھ دیں اور استعمال کریں۔

فائدے:

۔ آملہ بالوں کی نشونما کرتا ہے اور اسے سفید ہونے سے بچاتا ہے

۔ ریٹھا بالوں کو صحت مند اور چمکدار بناتا ہے

۔ سکا کائی بالوں کو گرنے سے روکتا ہے اور خشکی دور کرتا ہے