گرمی کی وجہ سے سر میں خارش اور دانے ہو رہے ہیں؟ جانیئے اس سے نجات کا بےحد آسان گھریلو نسخہ جو دے آپ کو گرمی میں ٹھنڈک کا احساس

بالوں کے نیچے موجود کھوپڑی کے خلیوں کو فضائی آلودگی، فنگل انفیکشن اور بیکٹیریا نقصان پہنچاتے ہیں جس کی وجہ سے سر میں دانے ہو جاتے ہیں، جن میں نہ صرف درد ہوتا ہے بلکہ خارش سے بھی برا حال ہو جاتا ہے۔
اس کے علاوہ سر میں دانے نکلنے کی وجہ آپ کا اپنا لائف اسٹائل ہے، ہارمونز کا عدم توازن اور غیر صحت بخش غذا بھی ان دانوں کی وجوہات میں شامل ہے،غلط تیل یا ہیئر پراڈکٹس کا استعمال یا پھر زیادہ کیمیکل والی پراڈکٹس کا سر میں استعمال بھی دانوں کی وجہ بنتا ہے، ان دانوں کو کیسے ختم کیا جا سکتا ہے اور اس کی وجہ سے ہونے والی خارش کو کیسے دور کیا جائے آیئے اس پر بات کرتے ہیں۔

سر میں ہونے والے دانوں اور خارش سے نجات کس طرح پائی جائے؟

• زیتون کے تیل کا استعمال

زیتون کا تیل ورم کش اور جلد کو تحفظ دیتا ہے یہ سر کے انفیکشن یا خارش سے نجات میں مدد دیتا ہے اور دانے ختم کرتا ہے زیتون کے تیل کو کچھ دیر کے لیے گرم کریں اور پھر نیم گرم تیل کو سر پر مل لیں۔ اسے رات بھر کے لیے چھوڑ کر صبح دھولیں۔ بہتر نتائج کے لیے یہ عمل ایک ہفتے میں دو مرتبہ دہرائیں۔

• ناریل کا تیل

ناریل کے تیل میں اینٹی فنگل خصوصیات موجود ہوتی ہیں جو سر سے خارش اور بیکٹیریا کی وجہ سے ہونے والے دانوں کو ختم کرنے کی صلاحیت رکھتا ہے، ناریل کے تیل کو نیم گرم کریں اور سر پر مالش کرکے پندرہ منٹ کے لیے لگا رہنے دیں اور پھر بال دھولیں۔

• ایلو ویرا کا استعمال

ایلو ویرا جیل لیں اور سر پر لگا کر پندرہ سے بیس منٹ کے بعد بال نیم گرم پانی دھولیں، ہفتے میں یہ عمل دو مرتبہ دہرائیں اس سے نہ صرف بال چمکدار ہوں بلکہ سر کی جلد بھی صاف ہوگی اور خارش دور ہوگی۔

• سر کی خارش اور دانے دور کرنے کے لئے گھریلو ٹوٹکہ

• اجزاء

گندھک آملہ سار۔۔ ایک چائے کا چمچ
کمیلا پاؤڈر۔۔ 50 گرام
سرسوں کا تیل۔۔ 120 ملی لیٹر

• ترکیب

گندھک آملہ سار پاؤڈر اور کمیلا پاؤڈر لیں، اب اس میں سرسوں کا تیل ملائیں اور پیسٹ بنا لیں، اس پیسٹ کو سر میں اچھی طرح لگائیں اور آدھے گھنٹے بعد سر دھو لیں، اس کے استعمال سے خشکی دور ہوگی، سر سے خارش ختم ہو جائے گی اور سر سے دانے بھی دور ہوں گے ساتھ میں دانے اور خارش پیدا کرنے والے بیکٹیریاز کا بھی خاتمہ ہو جائے گا۔