چھوٹے بچوں کو ہونے والی ٹھنڈ اور کھانسی کے لیئے بہترین نسخہ ۔۔ جانیں 2 ایسے آسان طریقے جو آپ کے بچے کی اس تکلیف کو دور کرے

چھوٹے بچے ظاہر سی بات ہے نازک ہوتے ہیں اسلیئے وہ بیمار بھی جلد ہوتے ہیں، خاص کر ان کے سینے میں ٹھنڈ جلدی بیٹھ جاتی ہے جس سے ان کا سینہ جم جاتا ہے اور کھانسی بھی ہوتی ہے۔ ایسے میں ہر ماں بچے کو فوری طور پر ڈاکٹر کے پاس لے جانا چاہتی ہے تا کہ اسے وہ تکلیف برداشت نہ کرنی پڑے۔

مگر چھوٹے بچوں کو اتنی دوائیاں پلانے کے بجائے کیوں نہ پہلے گھریلو اور قدرتی نسخے اپنائے جائیں، جن کا مشورہ پہلے کی نانیاں دادیاں بھی دیتی تھیں۔

پہلا نسخہ:

۔ سب سے پہلے ایک پین کو درمیانی آنچ پر گرم کریں پھر اس میں 2 چمچ اجوائن اور5 جوئے لہسن کے ڈال کر کچھ دیر بھون کر اتار دیں (جلانا نہیں ہے)۔

۔ اب اسے صاف رومال میں رکھ کر اس کی پوٹلی بنائیں اور باندھ دیں۔

۔ اب اس پوٹلی کو بچے کی ناک کے پاس تقریباً 1 منٹ تک رکھیں تا کہ وہ اسکی مہک اچھے سے لے سکے، اسکے بعد اسے بچے کے سینے پر رکھ دیں جب وہ سورہا ہو۔

دوسرا نسخہ:

۔ ایک اسٹیل کی پیالی میں تھوڑا سرسوں کا تیل یا دیسی گھی لیں اور اسے چولہے پر رکھ کے اس میں 7 لانگ اور 2 لہسن کے جوئے ڈال کر گرم کرلیں۔

۔ اب اس تیل سے بچے کے سینے، کمر اور پیروں پر ہلکے ہلکے مالش کریں اور چادر ڈال کر سلا دیں۔ انشاءاللّٰہ سینے میں جمی ٹھنڈ کم ہوجائے گی۔