2 جوان بیٹیاں ہیں مگر کوئی رشتہ نہیں دیتا، ایک کمرے میں زندگی گزار رہے ہیں ۔۔ بے سہارا ماں اور بچے کن مشکلات میں زندگی گزار رہے ہیں؟

غربت انسان کو کہیں کا نہیں چھوڑتی، یہ وہ بلا ہے جس کا شکار ہو کر انسان خودکشی تک کرنے پر مجبور ہوجاتا ہے۔ پاکستان میں بہت سے گھرانے ایسے ہیں جہاں تنگ حالات نے لوگوں کی کمر توڑ دی ہے۔ مہنگائی کے اس دور میں ان کے پاس کھانے تک کو کچھ نہیں۔

ایک ایسی ہی فیملی کے بارے میں بتانے جا رہے ہیں جن کا گزر بسر بہت مشکل ہوگیا ہے۔ ایک ماں جی جن کی دو بیٹیاں اور ایک بیٹا ہے معاشی بدحالی کا شکار ہیں۔ خاتون کے شوہر کا انتقال ہوگیا ہے جس کے بعد جوان بیٹا دیہاڑی پر محنت مزدوری کر کے چند پیسے کما رہا ہے۔

خاتون نے روتے ہوئے بتایا کہ ان کے شوہر کا ٨ سال قبل انتقال ہوگیا تھا۔ انہوں نے کہا کہ وہ کرائے کے مکان میں رہتی ہیں اور دس ہزار روپے گھر کا کرایہ ہے مگر 3 ماہ سے کرایہ ادا نہیں کیا۔

بے سہاراخاتون کا کہنا تھا کہ میری جوان بیٹیاں ہیں خواہش ہے کہ ان کی شادی کرودں، کئی رشتے بھی تلاش کیے مگر میری بیٹیوں کو کوئی بیاہ کر لے جانے کے لیے تیار نہیں ہے۔

انہوں نے مزید بتایا کہ ان کا کوئی بھی رشتہ دار انہیں پوچھنے نہیں آتا صرف ایک کمرے میں زندگی گزار رہے ہیں نہ کوئی کھانے کا پوچھتا ہے۔

خاتون نے مزید کیا مشکلات بتائیں دیکھئے ویڈیو میں۔