خطرناک بیماریوں کا شکار مریضوں کے لئے بڑی خوشخبری ۔۔ ہری مرچ کھانے کے یہ قیمتی فوائد جان لیں تاکہ بڑی مشکل سے بچ سکیں

دنیا بھر میں ہری مرچ ایک عام اور سستی شے سمجھی جاتی ہے اور لوگ اپنے کھانوں میں ذائقہ بڑھانے کے لئے ہری مرچوں کا استعمال بھرپور طریقے سے کرتے ہیں۔ لیکن کیا آپ ہر مرچوں کے جادوئی فوائد کے بارے میں جانتے ہی جو سنگین بیماریوں میں مبتلا مریضوں کے لیے انتہائی مفید ہے۔
کے فوڈ کے اس آرٹیکل میں آپ کو اسی حوالے سے بتانے جا رہے ہیں۔

ہری مرچ امراض قلب، دل کے دہرے، فالج، اور سرطان جیسی موذی بیماریوں سے ناصرف انسان کی زندگی بچاتی ہے بلکہ ان بیماریوں کے شکار افراد میں موت کے خطرات کو بھی کم کرتی ہے، ہری مرچوں کے عادی افراد میں ہارٹ اٹیک، فالج یا کینسر سے موت کا خطرہ اس سے دور رہنے والے افراد کے مقابلے میں نمایاں حد تک کم ہوتا ہے۔

ایک رپورٹ کے مطابق، تحقیق کے دوران 5 بڑے میڈیکل ڈیٹا بیسز سے ساڑھے 4 ہزار سے زائد تحقیقی رپورٹس دیکھی گئیں۔

جن رپورٹس کا مشاہدہ کیا گیا ان میں 4 بڑے پیمانے پر ہونے والی تحقیقاتی رپورٹس بھی شامل تھیں جو چین، اٹلی، ایران اور امریکا میں 5 لاکھ 70 ہزار سے زائد افراد پر کی گئیں، مذکورہ افراد پر مرچوں کے اثرات کا موازنہ مرچیں نہ کھانے اور کبھی کبھار کھانے والوں سے کیا گیا تھا۔

محققین کا کہنا ہے کہ مرچوں کے حوالے سے یہ نتائج تازی ترین ہیں تاہم اس کے عملی طور پر ممکنات کے حوالے سے فی الحال کچھ کہنا قبل از وقت ہوگا، ٹھوس انداز سے تو یہ کہنا ممکن نہیں کہ لوگوں ضرورت سے زیادہ ہری مرچیں کھانا شروع کردیں۔