چوٹی کو صرف 30 دن میں موٹا کرنے کا چیلنج.. جانیں چند آزمودہ ٹپس جن سے آپ کے بال بھی لمبے اور گھنے ہوسکتے ہیں

بالوں کا جھڑنا بہت ہی عام لیکن سنگین مسئلہ ہے. خاص طور پر وہ خواتین جن کے بال لمبے ہوتے ہیں ان کے بال بہت زیادہ جھڑتے ہیں. حال ہی میں انسٹاگرام پر ملین کی تعداد میں فالوورز رکھنے واکی بھارتی انفلوئنسر نے اپنی چوٹی کو موٹا بنانے اور بالوں کو جھڑنے سے روکنے کے لیے 30 دن کا چیلنج لیا ہے. اس دوران انھوں نے کئی ٹپس بھی شئیر کیے جو اپنے قارئین کے لئے ہم یہاں بتا رہے ہیں.

بالوں کو کبھی بھی کھلا چھوڑ کر نہ سوئیں بلکہ سونے سے پہلے چٹیا ضرور بنا لیں.

اگر بالوں کے سرے دو منہے ہوگئے ہیں تو بال کبھی نہیں بڑھیں گے اس لئے روشنی والی جگہ پر جا کر نیچے سے بالوں کو کاٹ دیں. اس کے لئے بالوں کو ایک سیدھ میں کاٹنے کے بجائے دیکھ کر صرف دو منہ سرے کاٹیں.

بالوں میں تیل لگا کر 5 منٹ تک چمپی ضرور کریں اور سر کی سکن کو دبائیں تا کہ دوران خون تیز ہو.

تیل لگا کر کبھی گھر سے باہر نہ نکلیں کیونکہ اس طرح دھول مٹی بالوں پر چپک جاتی ہے اور بال جھڑتے ہیں.

بالوں کی ساخت چیک کرنے کے لئے شیشے کے پیالے میں پانی ڈال کر اپنے ٹوٹے ہوئے بال اس پیالے میں ڈالیں. اگر بال اوپر ہی رہیں تو اس کا مطلب بال کافی پتلا اور کمزور ہے، درمیان میں چلا جائے تو ساخت مناسب ہے البتہ تہہ میں شلا جائے تو بال موٹا اور صحت مند ہے.

مہینے میں ایک بار مہندی، ریٹھا، سیکاکائی، لیموں کا رس، انڈا اور چائے کا پانی ملا کر سر پر لگائیں. یہ پروٹین کے لئے بہترین ہے اور بالوں کو چمک بھی دے گا.