شلجم بنائیں ایسے کہ کھانے والے انگلیاں چاٹ جائیں ۔۔ جانیں ہوٹل سے زیادہ مزے کی شلجم پالک بنانے کی ترکیب

Shaljam Palak Recipe

اجزاء:

۔ شلجم 1 کلو

۔ پالک ½ کلو

۔ پیاز 2 عدد یا ہری پیاز

۔ تیل ½ کپ

۔ اجوائن 1 چٹکی

۔ زیرہ ½ چمچ

۔ کلونجی 1 چٹکی

۔ ادرک لہسن پیسٹ 1 چمچ

۔ کشمیری مرچ ½ چمچ

۔ لال مرچ 1 چمچ

۔ دھنیا پاؤڈر 1 چمچ

۔ گرم مصالحہ ½ چمچ

۔ ہلدی 1 چمچ

۔ نمک ½ چمچ یا حسب ذائقہ

۔ ٹماٹر 1 عدد

۔ ہری مرچ

شلجم پالک بنانے کی ترکیب:

۔ ایک دیگچی میں پانی بھر کے اس میں نمک، ہلدی، شلجم اور پالک ڈال کے 5 سے 6 منٹ ابال لیں۔

۔ ایک دیگچی میں تیل گرم کر کے اس میں اجوائن، کلونجی، زیرہ اور پیاز ڈال کر کچھ دیر پکائیں۔

۔ اب اس میں ادرک لہسن کا پیسٹ، لال مرچ، دھنیا، گرم مصالحہ، ہلدی اور نمک شامل کر کے کچھ دیر بھونیں اور ساتھ ہی تھوڑا پانی بھی ڈال دیں تا کہ مصالحہ چپکے نہیں۔

۔ اسکے بعد ٹماٹر ڈال کر بھونیں، ٹماٹر نرم ہونے لگیں تو اس میں ابلی ہوئی شلجم اور پالک ڈال کر بھونیں اور چمچ سے شلجم کو تھوڑا گھونٹ دیں، پھر ہری مرچ اوپر سے شامل کر کے ڈھکن لگادیں۔

۔ 5 منٹ بعد ڈھکن ہٹائیں اور مکس کر کے شلجم پالک کھانے کے لیئے پیش کریں، بچے بڑے سب مزے سے کھائیں گے!