ہزاروں سفید پھولوں سے لدی گلِ مرغزار کیا ہے؟ جانیئے اس کا استعمال اور حیرت انگیز فوائد

گلِ مرغزار کو میڈو سوئیٹ بھی کہا جاتا ہے یہ ایک قدرت جڑی بوٹی ہے جس میں یکایک بےشمار چھوٹے چھوٹے پھول لگے ہوتے ہیں، اس میں لگے سفید پھول نہ صرف خوبصورت بلکہ خوشبودار اور ذائقے دار بھی ہوتے ہیں۔
یہ ایک ترو تازہ اور کسیلی جڑی بوٹی ہے جو آپ کو سر درد اور جسم کے دیگر درد سے نجات دلانے میں مدد دیتی ہے اس جڑی بوٹی کی چائے دوا کے طور پر استعمال کی جاتی ہے جوکہ بہت خوشبودار، ذائقے میں تیز اور صحت کو فروغ دینے میں مددگار ثابت ہوتی ہے۔
گلِ مرغزار کے اور کیا فوائد ہیں اور اس کا طریقہ استعمال کیا ہے آیئے جانتے ہیں۔

• گلِ مرغزار کے حیرت انگیز فوائد

گلِ مرغزار صحت کے لئے بےحد مفید ہے یہ آپ کے مدافعتی نظام کو مضبوط بنانے کے ساتھ نظام انہضام کے کام کو بڑھا سکتی ہے اس کے چند فوائد ذیل میں موجود ہیں۔

• نظامِ ہاضمہ

پودوں کا کوئی دوسرا جزو گلِ مرغزار میڈو سویٹ جڑی بوٹی کی افادیت کو شکست نہیں دے سکتا جو کہ ہاضمے میں معاون ہے، یہ معدے کی چپچپی جھلیوں کی حفاظت اور تسکین کے ساتھ ساتھ تیزابیت کو کم کرنے میں مدد کرتی ہے، یہ دائمی السر میں شفا کی وجہ بنتی ہے یہ سینے کی جلن، پیپٹک السر اور گیسٹرائٹس کے علاج میں مددگار ہے۔

• سوزش میں آرام

گلِ مرغزار میں سیلیسیلک ایسڈ ہوتا ہے جو اسے سوزش کے خلاف ایک مفید جڑی بوٹی بناتا ہے گلِ مرغزار کے صحت کے فوائد اسے آپ کی قدرتی شفا بخش مصنوعات کی فہرست میں ایک قیمتی جڑی بوٹی بناتے ہیں۔

• مدافعتی نظام

گلِ مرغزار کی چائے کا استعمال آپ کے نظامِ ہاضمہ کے ساتھ ساتھ مدافعتی نظام کو بڑھانے اور مضبوط بنانے میں مفید ثابت ہوتی ہے اس کا استعمال جسم میں فری ریڈیکلز کی تعداد کو کم کر کے ان کی پیداوار کو روکتا ہے۔

• سر درد سے نجات

اس کا سب سے بڑا اور بہترین فائدہ یہ ہے کہ گل مرغزار کی چائے ایک ایسی جڑی بوٹی کی چائے ہے جو جسم میں موجود کسی بھی درد کو منٹوں میں دور کر سکتی ہے اس ہی طرح اگر سر میں درد کی شکایت رہتی ہو تو گلِ مرغزار کی چائے آپ کو سر درد سے فوری نجات دلا سکتی ہے۔

• پیٹ درد اور دیگر تکالیف

پیٹ کے درد سے نجات کے لئے گلِ مرغزار اب ایک عام جڑی بوٹی کے طور پر استعمال کی جانے لگی ہے کیونکہ کہ حیرت انگیز طور پر پیٹ کا درد دور کرنے میں مفید ثابت ہوتی ہے یہ معدے کے مسائل اور تکلیف کو دور کرتی ہے اور آرام پہنچاتی ہے پیٹ کے درد سے نجات کے لئے گلِ مرغزار کی چائے کا روزانہ استعمال جڑ سے اس مسئلے کو ختم کر سکتا ہے۔

• دیگر استعمال

گلِ مرغزار کی چائے بنانے کے لئے آپ کو اس کی تھوڑی مقدار ایک کپ پانی میں ڈال کر اسے جوش دیں اور چھان کر نیم گرم پی لیں اس سے بخار میں بھی کمی آجاتی ہے جسم کا درد دور ہوتا ہے اور ہڈیوں میں اگر درد ہو تو اس کے استعمال سے نجات مل سکتی ہے۔