بالوں پر اچھا براؤن رنگ لانا چاہتے ہیں تو اس میں ۔۔ جانیں زبیدہ آپا مہندی میں کیا چیز ملانے کا مشورہ دیتی تھیں؟

اکثر خواتین بالوں میں مہندی لگاتی تو ہیں لیکن ان کو وہ مطلوبہ رنگ نہیں ملتا جس کی وہ خواہش کرتی ہیں، اور پھر وہ کیمیکل والے رنگوں کی طرف راغب ہوجاتی ہیں جس سے بالوں کو جلد یا بدیر نقصان پہنچتا ہے۔

خواتین کی اسی خواہش کو مدِ نظر رکھتے ہوئے زبیدہ آپا نے مہندی کی ایک ٹپ بتائی تھی، جس سے بالوں کو خوبصورتی کے ساتھ براؤن کیا جاسکتا ہے اور ساتھ ہی ان میں چمک اور مضبوطی بھی آئے گی۔

مہندی بنانے کا طریقہ:

۔ 2 کپ پانی میں 1 چمچ چائے کی پتی اور 1 چمچ کلونجی شامل کر کے ان کو اتنی دیر پکائیں کہ پانی سوا کپ رہ جائے۔

اسکے بعد ایک پیالے میں، ایک کپ کے قریب سوکھی مہندی، 1 انڈہ، 2 چمچ تیل (ناریل، سرسوں یا زیتون)، 1 چمچ نوابی کتھا (پان والے سے مل جائے گا)، اور 1 چمچ املی کا گودھا شامل کر کے مکس کریں پھر اس میں پتی اور کلونجی والا ڈال کر اچھے سے کلا لیں اور 2 سے 3 گھنٹے کیلیئے رکھ دیں۔

لگانے کا طریقہ:

مہندی لگانے سے ایک دن پہلے بالوں میں شیمپو کریں پھر اگلے دن اس مہندی کو اپنے بالوں پر لگائیں اور 3 سے 4 گھنٹے رہنے دیں۔ مہندی خشک ہوجائے تو اسے سادے پانی سے دھو لیں

اسکے بعد کوئی بھی تیل لے کر اس میں ½ چمچ لیموں کا رس شامل کریں اور گیلے بالوں میں ہی لگا کر ہوا میں خشک ہونے دیں، پھر اگلے دن شیمپو کرلیں

اس عمل کو مہینے میں 2 بار کریں، آپ کے بال خوبصورت براؤن اور چمکدار ہوجائیں گے۔